بسبب الحزن.. مراسلة قناة DMC تفقد النطق

فقدت مراسلة قناة DMC أميمة بدري النطق، وأعلنت ذلك عبر حسابها الشخصي على موقع التواصل الاجتماعي فيسبوك.

تحيا مصر يرصد لكم فقد مراسلة DMC النطق

ونشرت أميمة البدري منشور عبر حسابها بموقع فيسبوك تعلن فيها فقدها النطق وكتبت: أنا محتاجة حد يساعدني ارجوكم أنا فاجأة فقدت النطق مش عارفه أنطق ولا اتكلم وشفتي طبقت زي البكم والصم وصوتي مش طالع ومش قادرة اخد نفسي أنا خايفة ومش عارفه اعمل ايه  انا تعبانه جدا ومش قادرة أنا مخضوضة من اللي حصلي.

مراسلة دي إم سي: فقدت النطق بسبب إني زعلت جامد

وبعد ساعات من منشورها قامت بتوجيه الشكر إلى جمهورها وطلت منها الدعاء لها ومساعدتها، حيث نشرت صورة لجمموعة من التحليل وكتبت: الحمد لله رب العالمين على كل حاجة حصلت ليا، أنا بكتب وانا مش قادرة لاطمنكم أنا روحت المستشفي  وعملت الأشعة المقطعيه على المخ.

 وتابعت: الحمد لله مفيش جلطه بس للاسف فقدت النطق بسبب إني زعلت جامد أدعولي دعوة صادقة، أنا محتاجه لدعواتكم وشكرا لكل اللي بيكلمني بس حرفيا مش قادرة من الصدمة.

مراسلة دي إم سي: أدعولي أعرف انطق تاني وأرجع لحياتي

واستكملت أميمة البدري: أنا دكتور كتبلي أدوية وقالي لازم ارتاح تمامًا وخلال ٣ أيام لو مش اتحسنت ورجعت اتكلم هتابع مع دكتور اعصاب واعمل جلسات كهرباء لأعرف أتحسن ادعولي اعرف انطق تاني وأرجع لحياتي.

واختتمت: أنا نفسيا مش أحسن حاجة دعواتكم وشكرا للتواصل معايا ولكل  واحد حاول يكلمني ويساعدني وشكرا للي جالي البيت ووداني المستشفي دعواتكم، واللي يعرف الأدوية دي تمام ولا حد يقولي أعمل إيه لأن أنا قلقانة.

مراسلة دي إم سي تفقد النطق

وبعد ساعات قامت أميمة بنشر فيديو لها لتوجيه الشكر إلى متابعيها وطلبت منهم الدعاء لها وكتبت: شكرًا لكل حد بيسأل وبيطمن  عليا بس ده حالي وصوتي طلع حبه  الصبح مكنش في اي صوت ولا حركة شفايفي ولسه تعبانه فمش عارفة ولا قادرة اتواصل قولت اطمنكم بحالي هنا أسهل، دعواتكم والحمد لله على كل شئ، وبقولكم  آسفه لكل حد بيسأل وبيطمن عليا  بس مش عارفه أرد ادعولي أكون كويسة.