لمياء فهمي عبد المنعم تُجري عمليتين جراحيتين وتكشف حقيقة إصابتها بالسرطان

كشف الإعلامية لمياء فهمي عبد المنعم عن حقيقة إصابتها بمرض السرطان، كما أعلنت خضوعها لعمليتن جراحيتين خلال الفترة الأخيرة.

تحيا مصر يرصد لكم تطورات الحالة الصحية للإعلامية لمياء فهمي عبد المنعم 

وقالت لمياء عبد المنعم في لايف عبر حسابها بموقع تبدل الصور والفيديوهات انستجرام: أنا ربنا اكرمني وأتم عليا الشفاء ونزلت أول يوم البرنامج بتاعي.

وتابعت: الناس اللي عاملة فيديوهات وبيقولوا إني عندي كانسر وحالتي خطيرة أنا مش عندي كانسر وبطلوا تقولوا كده وشوفت فيديوهات مش صح عليا.

وتابعت: في ناس كتير مهملين في صحتهم زيي وكنت باخد حقن مضادات حيوية قبل ما اطلع الهوا باخد حقنتين مسكن من وجع سناني وكنت مهملة، وصحتي كانت مش حلوة وبتعب كتير وتاني يوم بكون كويسة.

لمياء فهمي عبد المنعم: وزني زاد بشكل مش طبيعي 

واستكملت: وزني زاد زيادة كبيرة أنا مش متعودة عليها وأنا أكلتي ضعيفة جدا ومش باكل خالص وفاجأة حصلي زيادة في الوزن غير عادية، وبقالي 4 سنين بعمل دايت وخدت كل أنواع الإدوية اللي تخليني أخس ومفيش فايدة.

وكشفت: قعدت مع صديقة ليا وقالتلي فكري في الكبسولة وأنا بخاف جدا وقولت عمري ما هلجأ للكلام ده، وبعدها واقتنعت وروحت للدكتور بتاعها وحكيت للدكتور كل التفاصيل اللي حصلت في حياتي ووزني كان زايد جدًا وعملت التحاليل وكان في نسبة من إلتهاب في جسمي عالية من غير سبب ومكنتش عارفة ايه اللي بيحصل.

لمياء عبد المنعم: أكتشفت إني عندي المرارة والغدة والسكر والضغط

وأضافت:  اكتشفت أن المرارة لازم تتعمل وأنا مكنتش حاسه بأي حاجة وكنت ببرر التعب، واكتشفت إني عندي مرض السكر والضغط والغدة ولقيت حاجات كتير بايظة عندي.

وتابعت: الدكتور اقترح عليا أعمل عملية تكميم وكانت صدمة عمري، وعمري ما كنت أتخيل إني أعمله، لكن كان الدكتور عايز يحافظ على السكر، وعندي مشكلة في الغدة وموضوض إني أخس كان صعب.

لمياء عبد المنعم: صليت إستخارة قبل ما أعمل عملية التكميم

وكشفت: صليت إستخارة وخدت قرارإني أعمل العمليتين من غير ما حد يعرف عشان ميأثرش عليا، وكانت الدنيا سودة قدام عيني.

وأوضحت: وكان لازم اتكلم عن تجربتي عشان تستفيدوا منها وكل اللي عملته في اسبوع وكنت قلقانة وخايفة وكان عندي يقين أن ربنا هيكون جنبي ومعايا وهتعدي وضغطي طول العملية كان عالي لكن ربنا كرمني .

لمياء عبد المنعم: متصدقوش أي حاجة بتتكتب عني

واختتمت لمياء فهمي عبد المنعم حديثها قائلة: دي قصتي بكل صراحة ومتصدقوش أي حاجة بتتكتب وأنا حبيت أقولكوا الصورة كاملة.