هالة صدقي: محتاجة ميزانية عشان اعمل عملية تجميل وأنا كبرت في السن ومينفعش أقول إني لسه صغيرة

كشفت الفنانة هالة صدقي عن أهمية فيلم الهروب في مشوارها الفني، كما كشفت عن رأيها في عمليات التجميل وإمكانية قيامها بها.

تحيا مصر يرصد لكم تصريحات هالة صدقي 

وقالت هالة صدقي خلال استضافتها في برنامج ضيفي الذي يقدمه الإعلامي معتز الدمرداش والذي يعرض عبر قناة الشرق: فيلم الهروب كان محطة في مشواري بس كان لازم يتخطط ليه ولكن من قلة الخبرة مقدرتش اكمله .

وتابعت:  أنا سعيدة بالكارير بتاعي وكان ممكن يكون افضل بس أنا بفكر أنه يكون أطول وحاطه في دماغي إني متابعة هدى سلطان وشايفة مشوارها ماشي ازاي، وفضلت لأخر دقيقة نجمة وتصالحت مع نفسها لما طلع شباب صغير معاها مشيت مع الموجه .

هالة صدقي: أنا كبرت في السن وفي أدوار ليا اتحرقت

وتابعت هالة صدقي: أنا كبرت في السن والجمهور شايفني من وأنا صغيرة ومينفعش اقول إني لسه صغيرة لأن ادواري اتحرقت، لكن  كل حاجة بعملها بتكون مميزة وأنا بتميز عن جيلي إني بقدر أعمل الكوميدي والدرامي.

هالة صدقي: محتاجة ميزانية عشان أعمل عملية تجميل

هالة صدقي: مضايقة من اللغد وقريب هعمل عملية تجميل وهشيله، وعشان اعمل عملية تجميل محتاجة ميزانية خاصة يعني أربع مسلسلات وفيلمين و5 لقاءات تليفزيونية.

تصريحات هالة صدقي

وفي اللقاء ذاته، تحدثت هالة صدقي عن سبب ابتعادتها عن السينما خلال الفترة الأخيرة وقالت: كنت سباحة وكل الأدوار اللي جيالي مايوهات والمخرجين بيستسهلوا، والمايوه كان  بالنسبة ليا زي البنطلون لابساه وبتمرن بيه ليل نهار، ولقيت كل اللي جايلي بعد كده مايوهات للإثارة وبيصوروني بشكل مش مظبوط فوقفت السينما خالص.

هالة صدقي: فكرت في الإعتزال قبل جعفر العمدة

كما كشفت هالة صدقي أنها فكرت في الإتزال قبل مسلسل جعفر العمدة وقالت: كنت بفكر اعتزل الفن قبل جعفر العمدة لأن في تجارب مريت بيها وحسيت أن الحكاية باظت ومش اللي انا متربية عليه والورق اللي بيتكتب في اللوكيشن والبطل اللي ممكن يلغي المؤلف وبيغير المخرجين وكنت بلاقي لو معايا بطلة تاني ممكن المخرج يجاملها ومفيش حد بيشتغل لمصلحة العمل بيشتغلوا لمصلحة أشخاص.