هالة صدقي: فكرت في الاعتزال قبل جعفر العمدة وبعدت عن السينما لهذا السبب

تحدثت الفنانة هالة صدقي عن سبب بعدها عن السينما موضحة أن المخرجين هما السبب في ذلك، كما تحدثت عن نجاح مسلس جعفر العمدة.

تحيا مصر يرصد لكم تصريحات  هالة صدقي

وقالت هالة صدقي خلال استضافتها في برنامج ضيفي الذي يقدمه الإعلامي معتز الدمرداش: كنت سباحة وكل الأدوار اللي جيالي مايوهات والمخرجين بيستسهلوا، والمايوه كان  بالنسبة ليا زي البنطلون لابساه وبتمرن بيه ليل نهار، ولقيت كل اللي جايلي بعد كده مايوهات للإثارة وبيصوروني بشكل مش مظبوط فوقفت السينما خالص.

هالة صدقي: فكرت في الاعتزال قبل جعفر العمدة

وتابعت: كنت بفكر اعتزل الفن قبل جعفر العمدة لأن في تجارب مريت بيها وحسيت أن الحكاية باظت ومش اللي انا متربية عليه والورق اللي بيتكتب في اللوكيشن والبطل اللي ممكن يلغي المؤلف وبيغير المخرجين وكنت بلاقي لو معايا بطلة تاني ممكن المخرج يجاملها ومفيش حد بيشتغل لمصلحة العمل بيشتغلوا لمصلحة أشخاص.

وتحدثت هالة صدقي عن نجاح مسلسل جعفر العمدة وقالت: جالتي مكالمات من كندا واستراليا والعالم كله ولما خرجت في العيد اتوهمت من رد الفعل والأغرب أن الأطفال ولشباب دلعوني دلع السنين وفرحانة بيهم اوي. 

هالة صدقي: صفصف فرضت نفسها كبطلة

وتابعت: صفصف مكنتش البطلة لكن فرضت نفسها كبطلة، ومهما قدمت بعد كده يبقى في مقارنة بين دور صفصف.

رأي محمد صلاح في جعفر العمدة

وسبق وكشفت هالة صدقي عن رأي محمد صلاح في جعفر العمدة وقالت: ولادي عايزين يلعبوا كورة، وهما عندهم طموح أنهم يبقوا لاعيبة كورة مشهورة.. وطبعا محمد صلاح هو اللي عمل الطفرة دي، ومن أهم إنجازاتي أني كلمت محمد صلاح لأنه كان بيحب صفصف، وكنت سعيدة جدًا، قالي أنتي متعرفيش صفصف دي عاملة فينا ايه، وكلنا بنتابعها، ومبسوطين جدًا بالمسلسل، وقولتله ممكن بعد شوية تكلمني عشان ولادي يكونوا جم، وهو جميل ولذيذ وطيب.

هالة صدقي صدقي ترد على متابع طالبها بـ اعتناق الإسلام

وسبق وحرصت الفنانة هالة صدقي على الرد على متابع طالبها باعتناق الدين الإسلامي، وذلك بعد نشرها صورة لها من داخل إحدى المساجد في المغرب، ونشرت هالة صدقي صورة لها من داخل إحدى المساجد في المغرب، عبر حسابها بموقع تبادل الصور والفيديوهات انستجرام وكتب شخصًا تعيلقًا على الصورة قائلًا: عزيزتي سيدة هالة الله يهديك للإسلام و الله أطلب لك الهداية لأنك عزيزة وغالية و الله يهدينا و يهدي جميع الناس.

لترد عليه هالة صدقي قائلة: أنا بحب ربنا وكل الرسل بحترم رسالتهم لأنها في الأخر لحب ربنا واتمني كل الناس تحب وتحترم اختيارات بعض لأن الدين محبة وحب.