هبة مجدي: اتجوزت محمد محسن بسبب مسرحية ألف ليلة وليلة وأهلي بنوا الفن جوايا من صغري

تحدثت الفنانة هبة مجدي عن بدايتها الفنية وحبها للتمثيل منذ الصغر، كما كشفت عن قصة الحب التي جمعتها مع زوجها المطرب محمد محسن.

تحيا مصر يرصد لكم تصريحات هبة مجدي

وقالت هبة مجدي خلال استضافتها في برنامج مساء دي إم سي التي تقدمه الإعلامية إيمان الحصري: طلعت في مسلسل العيد ألوان وكان عبد المنعم مدبولي طالع جدي وكنت في تالتة ابتدائي.

وتابعت: فرحانة أن بابا وماما تعبوا معايا من وأنا صغيرة وكانوا بيساعدوني ويسندوني وبنوا الفن جوايا من صغري عشان أطلع كده.

وأضافت:  اشتغلت في فوازير عم فواد وكنت بكون عايزة أكل الكاميرا وكنت بفضل قاعدة مع فواد المهندس واشوف بيعمل ايه واروح معاه، ولما كان بيقف قدام الكاميرا كإنه طفل قدام الكاميرا زينا.

هبة مجدي: أنا مش بتاعت ألبومات ومعرفش أعمل حفلات

وكشفت هبة مجدي عن إمكانية تقديم ألبومات وقالت: أنا مش بتاعت ألبومات ولا اعرف أغني على المسرح 4 ساعات في مطربين للحتة دي.

هبة مجدي: سيبت كتب كتابي وروحت عرض مسرحية ألف ليلة وليلة

وتطرقت هبة مجدي بالحديث عن زوجها محمد محسن وقصة الحب التي جمعتهما وقالت: ليلة من ألف ليلة كنت بغني وبرقص مع البطل اللي هو محمد محسن، والعرض كان رومانسي ومحمد إنسان حساس وصوته مفيش زيه والحاجات دي بالمشاعر خدتنا في حته تانية واتخطبنا على المسرح واتقدملي بعد 7 شهور من عرض اللمسرحية واتجوزنا برضو على المسرح  ودكتور يحيى قالي عندنا عرض وسيبت كتب الكتاب.

وأضافت: اتعرفت على محمد محسن في مسرحية ليلة من ألف ليلة واتخطبنا واتجوزنا وخلفنا والمسرحية لسه بتتعرض.

هبة مجدي: الحياة الزوجية فيها أيام صعبة ومشقة

وكشفت هبة مجدي عن رأيها في الحياة الزوجية قائلة: الناس شايفة أننا رومانسين طول الوقت، والحياة الزوجية مش رومانسية خالص العكس فيها أيام صعبة ومشقة.

وفي اللقاء ذاته تحدثت هبة مجدي عن طقوسها في العيد وقالت: العيد وأنا أم مختلف وأنا صغيرة والأمومة ليها طعم، ودهب بنتي بتحب العيد وحماتي بتحب تاخدها الصلاة وبتستنى العيد وعارفة قيمة العيد، وعيد الأضحى بيبقى فيه قرب من ربنا والملايكة بتبقى حوالينا وبنحس بإحساس مختلف.