ليلى علوي تحتفل بذكرى 30 يونيو: مصر رجعت أم الدنيا بفضل قيادتنا العظيمة

حرصت الفنانة ليلى علوي على الاحتفال بالذكرى العاشرة لثورة 30 يونيو التي تحل اليوم الجمعة، معبره عن شعورها بالفخر الشديد.

تحيا مصر يرصد لكم احتفال ليلى علوي بذكرى ثورة 30 يونيو

وكتبت ليلى علوي عبر حسابها بموقع التواصل الاجتماعي فيسبوك: زي النهاردة قدر الشعب المصري يملك قراره ويحدد مصيره ووقفنا قيادة وشعب في وش كل اللي حاول يسرق منا كرامتنا، وقلنا لا مصر أكبر من الجميع.

وأضافت في منشورها: تخطينا في 10 سنين فوق كل الصعاب اللي واجهتنا وقدرنا نخلق مصر جديدة مليانة حرية وإنجازات كبيرة وعظيمة في كل المجالات خلت كل العالم بيتعجب ليها وبقدرتنا على تحقيقها في الفترة الزمنية القليلة دي.

ليلى علوي: بفضل قيادتنا رجعت مصر أم الدنيا

وتابعت ليلى علوي: بفضل قيادتنا العظيمة اللي وقفت في ضهر شعبها لما احتجناهم واستعادت معانا الحرية قدرنا نبهر العالم، ورجعت مصر أم الدنيا وكمان قد الدنيا، كل سنة ومصر قيادة وشعب بكل خير ودائما قد الدنيا.

تصريحات ليلى علوي

ومن جانب آخر، كانت قد حلت الفنانة ليلى علوي ضيفة على برنامج كلمة أخيرة، وتحدثت نجلها خالد، حيث قالت: خالد كل حياتى وتفكيرى فيه أكتر من تفكيرى فى الشغل ونفسى يكون مطمن دايما ومرتاح وحساه لسه مش مطمن وأنا نفسى يبقى مرتاح لان أيام الجيل الحالى أصعب من أيامنا.

وتابعت: ومش هحط شروط لزوجته لكن لازم تكون سوية وبنت ناس متربية فى بيت محترم وفى حال ذلك وكانت موجودة بالمواصفات دى هبقى حما صعبة بس على خالد مش عليها هبقى حماة صعبة عليه هو لو جابلى حد كويس واختار كويس هبقى صعبة عليه.

كما تطرقت بالحديث عن فيلم شوجر دادي وقالت: اشمعنى الراجل يبقى شوجر دادي والست متبقاش شوجر مامي؟.. عشان احنا في مجتمع شرقي بيدي كل الحقوق للراجل وعايز ياخد كل حاجة من الست.

فيلم شوجر دادي

فيلم شوجر دادي شارك في بطولته عدد كبير من نجوم الفن ومنهم:  ليلى علوى، حمدى الميرغنى، بيومى فؤاد، مى الغيطى، فرح الزاهد، محمد محمود، مصطفى غريب وجوهرة وتامر هجرس عدد آخر من الفنانين، وهو من تأليف لؤى السيد وإخراج محمود كريم.