زهقت من القرف ده.. علياء: جوزي بيكلم بنات ولما اسأله يقولي مكسورين الجناح

زهقت بقى من خيانته والقرف بتاعه ده.. بهذه الكلمات سردت الزوجة الثلاثينية علياء حديثها عن قصتها مع زوجها، بعد زواج إستمر لمدة 8 سنوات إلا أنه إنتهى أمام محكمة الأسرة في مصر الجديدة بعد تقدمها بدعوى خلع للتخلص منه.

بعد صلاة العيد.. إنتشال الضحية الـ 10 من أسفل أنقاض عقار سيدي بشر المنكوب

أولع في نفسي عشان ترتاح.. لغز وفاة سيدة الشاي في الجيزة

قصة زوجة مع زوجها 

تفاصيل مثيرة عن حياتها مع زوجها سردتها الزوجة علياء، منذ زواجها قبل 8 سنوات مضت وحتى قيامها بالتقدم بدعوى خلع منه في محكمة الأسرة للتخلص منه، حيث أكدت على أنها تحملت السنوات الماضية على أمل أن ينصلح حال زوجها وبالتحديد كونه لا يمارس الرذيلة أو العلاقات الغير شرعية، ولكنه دائم التحدث مع صديقاته في الهاتف وعبر محادثات منصات التواصل الإجتماعي إنستجرام وفيسبوك، وأنها حاولت معه بشتى الطرق إلا أنه كان يرى أنهم أصدقائه ولا يوجد مانع من التحدث معهم.

زوجة: زهقت من القرف بتاعه

وقالت علياء في حديثها «أنا عندي 39 سنة ومتجوزة من 8 سنين فاتت ومش عندي أولاد منه، هو شغال محاسب في شركة وأتقدم لأهلي عشان يطلب إيدي وقعدت معاه مرة وأتنين وتلاتة، وهو شخصية مش بخيلة ومحترمة ومهذبة في كلامها ولبسها، بس للأسف أصحابه كتير أوي والبنات بالذات، وساعتها قولت يمكن بعد الجواز الدنيا تتغير، وبعد فترة خطوبة 5 شهور أتجوزنا في شقة في مصر الجديدة، وبصراحة هو جاب كل حاجة وجابلي شبكة كبيرة ومكنش بخيل عليا خالص».

علياء تطلب الخلع من زوجها

وتابعت علياء «بعد فترة جواز 3 سنين بدأنا نروح للدكاترة عشان نشوف أسباب تأخر الحمل وكانت في بعض المشاكل وبقالنا 5 سنين بنحاول نتعالج عشان موضوع الحمل، وربنا مرزقناش بأطفال بردو، سبحان الله ممكن عشان لما يحصل اللي حصل ميكنش في حاجة بيني وبينه، طول الـ 3 سنين اللي في أول الجواز كان بيكلم صحابه وكل حاجة بس بالليل مش بيرد ومش بيكلم حد ومحترم وجودي وسألته مين دي ومين دي وكان بيديني التليفون ويقولي أصحابي».

وأضافت علياء في حديثها «بعد فترة بدأت المكالمات بالليل والرسائل بقت كتيرة جدا وأنا بقيت أضايق وأسأله مين دي وإزاي تتكلم معاك في حاجات خاصة كدة، يقولي أصحاب وبنحكي لبعض وكنت بسأله أنت ملكش أصحاب رجالة يقولي مش بحكي لهم ولا بسمع من حد، دول ولايا ومكسورين الجناح وبسمعهم عشان أحل مشاكلهم، وحاولت أشوف حل للكلام ده وكلمت أهله وأهلي وحصل بينا مشاكل كتير ومفيش فايدة وفي النهاية قررت أروح أرفع عليه قضية خلع».