بدرية طلبة تنفعل على متابع يهاجم الوسط الفني: متعملوش أفاضل وأنتم الوساخة في دمكم

حرصت الفنانة بدرية طلبة الرد على متابع هاجم الوسط الفني بقسوة، بعد أن تجاهلت الفنانة طلبه لمبلغ مادي منها، وذلك من خلال منشور عبر حسابها الشخصي على موقع التواصل الاجتماعي فيسبوك.

تحيا مصر يرصد تفاصيل أحدث منشورات بدرية طلبة عبر فيسبوك

انفعال بدرية طلبة على المتابعين

بدأت القصة حين طلب أحد المتابعين من بدرية طلبة مساعدته بمبلغ مالي، وبعد أن تجاهلت الفنانة ذلك الطلب، علق المتابع على أحد صورها قائلًا: هو انتو كممثلين اجوازاتكم معندهمش نخوة الواحدة تتباس وتتحضن عادي ؟.

وبعدها ظهرت بدرية طلبة في بث مباشر عبر فيسبوك للرد على ذلك المتابع، والمتابعين الآخرين الذين دعموه، فقالت: أنا منزلة بوست عشان اللي داخل على الخاص يطلب، ولما محدش رد عليه سبني وشتمني، وأنتو بتتباسوا وأنتو فين رجالتكم والنخوة.

وتابعت: حضرتك روح للي بيتباسو على صفحاتهم وقولهم أنت بتكتبلي أنا ليه، أنا أم بنات وجدة أحفاد، وأنا مش بدافع عن اللي بيتباسوا، اللي يتباس يتباس، أنا مليش دعوة، أنت لو تعرف ربنا مش هتسب ست، روح دور على اللي منك قبل ما تعمل فيها راجل هي اللجان منتشرة ليه وحطيني في دماغكم ليه، اهدوا عني شوية، أنتو مش بشر.

بدرية طلبة لـ متابع يهاجم الوسط الفني: متعملوش أفاضل وأنتم الوساخة في دمكم

واستكملت: أنتوا متعرفوش عن اللي خلقكم حاجة ف متخشش تعرفني عن ديني حاجة، لأن لو على الدين والقرآن وربنا أنا اللي اعلمك، كل شغلانة فيها الحلو والوحش، كل شغلانة فيها الوسخ والنضيف، الوسط بتاعنا فيه الحلو والوحش زي أي شغلانة ، فاحترموا نفسكم وبلاش تدخلوا عند المحترمين وتعملوا نفسكم افاضل.

واختتمت حديثها قائلة: الوسط بتاعنا زي الدكاترة والمهندسين والمدرسين.. متعملوش أفاضل وأنتم الوساخة في دمكم.. يا أوسخ خلق الله ياللي متعرفوش ربنا.. معظم قضايا القتل واحدة هي وعشيقها قاتلة جوزها ومش ممثلة.. ست بيت ومحجبة.

تصريحات قوية للفنانة بدرية طلبة

على الصعيد الآخر، فجرت بدرية طلبة عدد من التصرحات النارية خلال حلولها ضيفة على برنامج البخت المذاع على قناة الشمس الفضائية.

قالت طلبة عن عمليات التجميل التي أجرتها: "البوتوكس أمر مفروغ منه لينا عشان العلامات والخطوط، عندي هالات سودا مرضية بسبب الغدة وأي عملية تجميل عند الهالات بعملها.. أي حاجة لعنيا جاية فيها وحطيت فيلر بقيت شبه السيد قشطة، قولت للدكتور الحقني ده مش انا.. انا منفوخة".

وتابعت: أنا عاملة ميكروبليدنج والستات كلها عاملينه، عملت شد جفون عشان هيقلل من الهالات السودا.. هعمل كرشي قريب عشان كأني حامل في توأم".