مفاجأة الموسم.. أسما إبراهيم تستضيف محمد هنيدي ببرنامج حبر سري

تستضيف الإعلامية أسما إبراهيم النجم الكوميدي محمد هنيدي، وذلك في برنامجها حبر سري، والذي يغرض عبر قناة القاهرة والناس.

تحيا مصر يرصد لكم استضافة أسما إبراهيم للفنان محمد هنيدي

وشاركت أسما فيديو لها برفقة الفنان محمد هنيدي من كواليس حلقتها مع الفنان محمد هندي، وذلك عبر حسابها بموقع تبادل الصور والفيديوهات انستجرام وعلقت: يا جماعة معايا مفاجأة الموسم، ليرد هنيدي قائلًا: ربنا يخليكي ده أنا اللي معايا مذيعة الموسم وشاطرة الموسم وأنا اتشرفت بالبرنامج وبكل المجموعة الي فيه وكنت سعيد معاكوا جدًا وكل سنة وانتوا طيبين.

برنامج حبر سري

وفي سياق متصل، كانت قد استضافت أسما إبراهيم الحلقة الماضية المطربة بوسي، والتي فجرت العديد من المفاجأت عن حياتها الشخصية، حيث قالت بوسي: الشغل في شارع الهرم علمني أتعامل مع الناس وخلى عندي خبرة، كنت شغالة في شارع الهرم عشان أكل عيش وكنت بشتغل بالأكراه لأني مكنتش حابه الأماكن دي لأنها مش شبهي، وكنت بتضرب عشان أنزل اشتغل وكنت بتهان وعانيت كتير أوي في حياتي.

تصريحات بوسي في حبر سري

وتابعت:  الحمد لله أن لسه فيا شوية عقل بعد اللي شوفته ولو واحدة غيري كانت لسعت من اللي أنا شوفته أو دخلت مستشفى المجانين.

وتحدثت بوسي عن طليقها وقالت: عمري ما همنع ابني يشوف أبوه هو اللي مش عايز، وابني مقاليش أنا عايز أشوف أبويا ولا هو قال أنه عايز يشوف ابنه وهو مش بيصرف عليه وأنا متكفله بيه بكل حاجة.

وأوضحت بوسي: كنت مقهورة من طليقي وصبرت عليه عشان خاطر ابني وكنت عايشة غصب عني، وحسيت أن في حد مكتفني وكنت عايشة غصب عني ومكنتش حابة العيشة دي وكنت محبوسة ومتراقبة وكان مكتوب عليا وصلات أمانة وشيكات عشان مرفعش قضية خلع عليه.

بوسي: بحب ابان قوية قدام الكل عشان مفيش حد يجي عليا ويخافوا مني 

كما كشفت بوسي عن بعض الصفات التي تتظاهر بها دائمًا قائلة: كان نفسي اخد حقي وأنا مش بعرف اخد حقي بس ببان كده وبس واتعلمت أكون قوية من صغري عشان مش لاقيه ضهر اتحمى فيه وأنا مقوية نفسي بنفسي وبعمل كده عشان مفيش حد يقرب مني ويخافوا مني، وأنا بتظيم دايما بس بسيب ربنا يجيبلي حقي وأنا ثقتي في ربنا كبيرة أوي.