سليمان عيد: وأنا صغير كانوا مسميني العندليب ومرة واحد سابتني عشان الصلع

حل الفنان سليمان عيد ضيف على برنامج “كلام الناس”، الذي تقدمه الإعلامية ياسمين عز على شاشة قناة mbc مصر، والذي تحدث خلاله عن طفولته وقصصه العاطفة مع ابنة الجيران ومعاناته مع الصلع.

تحيا مصر يرصد في ذلك التقرير تصريحات سليمان عيد في كلام الناس

سليمان عيد: الرومانسية بتخلي الواحد ضعيف وكانوا مسميني العندليب

وقال سليمان عيد خلال البرنامج: وأنا صغير كانوا مسميني العندليب وكنت بحب بنت الجيران وبقعد أسمع ظلموه لما يقلولي انت صغير مينفعش تتجوزها وأقعد أعيط مع نفسي ومعظم الكوميديانات عندهم الحتة دي، والرومانسية بتخلي الواحد رقيق أوي وضعيف أوي.

وتابع حديثه: كان حب من طرف واحد وكنت بتكسف أقول الكلام ده ومرة بعتلها بحبك ورمتلها الورق وأهلي قالولي انت عيل صغير فبعدت وهي بعدت وبعدها كانت هي أخت صحبي واحترمت انه اخلص وبعدها اروح أتقدملها كانت هي اتجوزت بقى وروحت سمعت ظلموه.

سليمان عيد ومعاناته مع الصلع

وتحدث سليمان عيد عن مشاكله مع الصلع، فقال: عمر ما كان الراجل يشكله الراجل بشخصيته والصلع بستغله بشغلي، وأنا في الكلية في بداية تعرضي للصلع كنت بجيب شعري لقدام عشان مكسوف وكنت قاعد مع واحدة ولسة هقولها بحبك الهوا طير شعري اتخضت ومشيت على إن انا مريض ومن وقتها قررت احب نفسي زي مانا واللي هيعرفني عشان شعري ميعرفنيش ربنا نصفني.

وعن لجوءه لـ زرع الشعر، قال سليمان عيد: قالي الشعرة بـ 600 دولار قولتله لو حسبتها على الألة هتنهنج، ومشيت وسيبته.

أخر أعمال سليمان عيد

يذكر، أن أخر أعمال سيلمان عيد مشاركته في مسلسل "البيت بيتي"، وهو من بطولة كريم محمود عبد العزيز ومصطفى خاطر، كلا من محمد محمود عبد العزيز، وميرنا جميل، ومحمود حافظ، وسليمان عيد، وسامي مغاوري، وأوتاكا، وياسر علي ماهر، وعلا رامي، وعابد عنان، وأحمد عبد الوهاب، ومي القاضي، صبري عبد المنعم، وجلال الزكي، وعبد الرحيم حسن، وياسر الطوبجي، وهو من تأليف أحمد عبد الوهاب وكريم سامي وإخراج خالد مرعي، وحقق العمل نجاحات ساحقة خلال فترة عرضه.