خطيبي طلع شاذ.. مريم تستغيث: قولتله نفركش طلع عليا كلام وقالي إني قوادة وبتاعت بنات | فيديو

واقعة مأساوية تعرضت لها فتاة في الفيوم، حيث وقعت ضحية لإبتزاز على يد خطيبها السابق بعد إتخاذها قرار بإنهاء الخطوبة بعد مرور شهر ونصف بسبب ميول خطيبها السابق الشاذة التي أعلن عنها لها.

جريمة العيدية.. عاطل يطعن زوجته بجمعية خيرية في الفيوم

سرعة جنونية.. مصرع مديرة مبيعات وزميلها في سيارة بورش بـ القاهرة|تفاصيل

تفاصيل ابتزاز وتهديد فتاة في الفيوم

وشرحت مريم - فتاة الفيوم قصتها مع خطيبها السابق، قائلة «أنا أتخطبت لشاب أتقدم لأهلي ولما سألنا عليه قال أنه مهندس في شركة جوجل، والناس قالت أنه كويس وهما كانوا خايفين منه، وفضلت شهر ونص مخطوبة له، وبعدين حصلت بيني وبينه مشاكل، لما أكتشفت ميوله الجنسية المختلفة عن الناس، وخصوصا لما كلمني عنها في الشات وقالي أنه معندهوش مشكلة بعد الجواز أني أضربه واشتمه وأجيب رجالة في البيت».

وتابعت مريم لـ تحيا مصر «كان بيقول لي هاتي زملائك البيت وأنا عادي، قولتله ساعتها أجيبهم ليه أنا كل اللي أعرفهم مجرد زملاء عمل ودراسة فقط، قالي لا هاتيهم ومفيش مشكلة أنك تعملي معاهم علاقة، ورفضت إني أكمل وقفلت الموضوع، بدأ يهددني وابتزاز وصوري ينشرها، وروحت عملت فيه محضر والمحضر أثبت أن الشات بتاعه وأنه هو الرقم المستخدم».

مريم: طلع شاذ قولت له مش هكمل معاك

وأضافت مريم - فتاة الفيوم «لما قولتله مش هكمل جاب لي ناس وثبتني في الشارع أكثر من مرة، في البداية كان بيعترض طريقي بنفسه وبعدين بدأ يرفع عليا آلة حادة وعملت له محضر عدم تعرض، وبعدين وزع رقمي على التليجرام وكان بيكتب كلام مش كويس وبعدين تهديدات على الموبايل وكمية شتائم واتبعت لي سكرينات باللي هو عامله على التليجرام وشهر بيا وقال أني بسحب البنات بعرفها على رجالة وقال أني بستخدم جذب البنات اللي متابعين ليا على السوشيال عشان أعرفهم على ناس تاينة وأمسك عليهم صور وأبتزهم».

فتاة الفيوم: قال عليا كلام أنا وماما وأخويا

وأكملت مريم قائلة «الموضوع مكنش أنا وبس لا ده أتهم والدتي كمان بإتهامات باطلة وقال إننا شغالين مع قوادة وماشيين بطال، ولما سألت عن الست دي طلعت معروفة جدا ومحبوسة، وبدأ ينشر أسم والدتي وإسمي وصورتي وأتهم أخويا بالشذوذ وأتهمني إني ليا ميول مع بنات، وكان بيكتب على الفيسبوك من الأكونت بتاعه الشخصي، وبعدين عمل أكونتات فيك وعملت فيه محاضر، وفي الأخر كتب بوست في صورتي وكتب إن البنت دي هتتقتل وأن أمرها نفذ وكل حاجة مترتبة ومحدش هيعرف يلحقها، وروحت عملت محاضر تاني، وقال بعدها أن أخويا اللي عنده 17 سنة بيعمل معايا علاقة وأخويا مبقاش عارف يروح المدرسة».

وأختتمت مريم قائلة «روحت لوالده وقابلته وكلمته هو وأخوه قالي حلي مشاكلك بعيد عننا وهعملك محضر وهقول أنك بتهدديني ووقفت أاخته مرة وطلبت منها أنها تتوسل لوالدها قالتلي أنا مش عارفة أساعد نفسي أرجوكي أنجديني منه، وخطيبته السابقة وأخته قالوا أنه حاول الاعتداء عليها بعد وفاة والدته واخته قالتلي خليه يتحبس خليني أخلص منه».