ميرهان حسين: الراجل من حقه يتحب ويتدلع ومقبلش اكون زوجة تانية

تحدثت الفنانة ميرهان حسين عن مواصفات رجل أحلامها وذلك خلال ضيافتها على برنامج “كلام الناس” الذي تقدمه الإعلامية ياسمين عز على شاشة قناة mbc مصر.

تحيا مصر يرصد في ذلك التقرير تصريحات ميرهان حسين في كلام الناس

ميرهان حسين: الراجل أهم صفة فيه يكون راجل

وقالت ميرهان حسين: إن الراجل يكون راجل دي أهم صفة فيه وإنه يكون شخص محترم وبيحترم نفسه عشان يحترمني ويحترم كل علاقاته مع كل الناس، وأهم حاجة عندي الأمان لو فيه علاقة مفيهاش أمان هتبقى مش مظبوطة، يكون واثق فيا، ويحبني زي ما أنا.

وعن إمكانية اعتزالها الفن بسبب الزواج، فقالت: لو لقيت حاجة تيجي على حساب حاجة أنا هقرر ابتعد ولكن يكون قرار من جوايا مش منه هو.

واستكملت حديثها: الراجل من حقه يتحب ويتدلع لكن لازم يكون في تعاون بين الطرفين، وأنا مش فارق معايا لا جواز ولا خلفة أنا أهم حاجة عندي إني اكون سعيدة، ومقبلش اكون زوجة تانية عشان أنا زي الفريك محبش شريك.

ميرهان حسين توجه رسالة للقائمين على الوسط الفني

وفي نهاية لقائها وجهت ميرهان حسين رسالة لـ القائمين على الوسط الفني: بطلب من المخرجين والمنتجين والمؤلفين إنهم يشوفوا في الفنان الحاجة اللي مش متشافة مليون مرة لأن دي حاجة بتستفزني وبتضايقني وبتستفز ناس كتير، ودي حاجة عنيت منها وخلتني أقعد في البيت كتير ودخلت في حالة ركود.

اعتزال ميرهان حسين

يذكر، أن ميرهان حسين احدثت ضجة كبيرة بعدما أعلنت اعتزالها منذ فترة، فقالت: اجازة مفتوحة من الـ سوشيال ميديا والمكالمات والالتزامات والمجاملات والتواجد من أجل الاخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي، تعبت وأشعر بعدم التقدير لشخصي ولموهبتي.. ولم أعتد البقاء في مكان ومع أشخاص لا تقدرني.. تعبت.. لذلك اعتزل.

وكشفت عن سبب الاعتزال، فقالت: بعدما قدمت العديد من الأدوار التي لا تشبهني ولا تشبه موهبتي ولا تستغل أدواتي كـ فنانة ممثلة محترفة وحصلت على العديد من ورش التمثيل، وأملك القدرة على التقليد بالأداء الصوتي والشكل والهيئة والملامح التي أجيد رسمها على وجهي بالمكياج والشعر دون مساعدة من أحد وبنفسي فقط بأبسط الإمكانيات وأصور بنفسي وأعمل مونتاج بنفسي.

لكن فاجأت الجمهور منذ أيام بأنها لم تعتزل الفن لكنها قصدت من تصريحاتها اعتزال السوشيال ميديا بشكل عام.