بوسي: عملت عملية تجميل واحدة في مناخيري.. وطليقي كان مانعني أشوف أهلي عشان محدش ياخد السبوبة

تحدثت الفنانة بوسي عن نتائج اختياراتها في حياتها الفنية والشخصية، وذلك خلال لقائها اليوم ببرنامج حبر سري مع الإعلامية أسما إبراهيم.

تحيا مصر يرصد تفاصيل تصريحات بوسي عن طليقها

بوسي: طليقي كان مانعني من الصحاب والمقربين

وقالت بوسي: في شغلي ربنا بيوفقني في اختياراتي، وفي حياتي الشخصية لا مش كله.. أنا مش بختار أصحابي بإيدي بس بقيت اختارهم، أنا اتجوزت وأنا عندي 19 سنة وكان مقفول عليا أوي لدرجة أني مش بعرف أشوف أهلي.

وتابعت: وطليقي كان مانعني من الصحاب والمقربين عشان يبقى مكوش عليا، ومحدش ياخد السبوبة، وبعد ما انفصلت بقيت عايزة أعمل صحاب، وأعيش حياتي في نطاق الاحترام.

بوسي وعمليات التجميل

وفي الحلقة ذاتها، كشفت بوسي عن تعرضها للتنمر ومقارنة صورها القديمة بالحالية، فقالت: أنا بتكسف جدا، الموضوع بيضايقني ومش برد، أنا برد بشغلي، واتعودت، ومش فاهمة بيعملوا كدا ليه، والشكل بيتغير مع السن، ومبقتش اتضايق.

وعن عمليات التجميل قالت: عملت عملية تجميل مرة واحدة في مناخيري عشان كانت مضايقاني، مع أني كنت ضد عمليات التجميل ومقتنعة أن دي نعمة ربنا بس مفيش مانع يبقى فيه حاجة مش مرتاحالها وتظبطيها في نطاق المعقول.

أغنية مسوا لي وصبحوا

وسبق وأن طرحت المطربة بوسي فيديو كليب جديد لها بعنوان مسوا لي وصبحوا، وذلك على القناة الرسمية لشركة روتانا عبر موقع الفيديوهات العالمي يوتيوب.