خالد الفايد: الدنيا واقعة جدا معايا ومحتاج شغل ضروري.. ومش هرجع للتمثيل لو فيها موتي

كشف المطرب المعتزل خالد الفايد، نجم ذا فويس كيدز عن تدهور حالته المادية بعد اعتزاله الغناء، مناشدا الجمهور بالبحث معه عن عمل بعيدًا عن الغناء.

تحيا مصر يرصد في ذلك التقرير تصريحات خالد الفايد وبحثه عن عمل

خالد الفايد: من يوم ما بطلت غنا وأنا الدنيا واقعة معايا.. اللي عنده شغل يكلمني

وقال خالد الفايد في منشور عبر حسابه الرسمي بموقع التواصل الإجتماعي “فيسبوك”: السلام عليكم ياشباب من يوم ما بطلت الغناء وتبت الي الله منه وانا قاعد ف البيت والدنيا واقعه جدا معايا وانا قاعد دلوقتي من غير شغل ومش هرجع للغناء حتي لو فيها موتي اصلا انا محتاج شغل ضروري براتب كويس او مجزي يبقا جزاكم الله خيرا اللي حابب يتواصل انا متاح علي ماسنجر وجزاكم الله خيرا مره تانية.

خالد الفايد وأزمته مع هاني محروس

من ناحية أخرى، كان قد نشب خلاف قوي بين خالد الفايد والمنتج هاني محروس انتهى بحلها بعدما كتب الفايد منشور قال فيه: الموضوع بيني وبين أستاذ هاني محروس اتحل وإن شاء الله مفيش أي حاجة وشكرًا جدَا لأستاذ هاني أنه تفهم الوضع وقال مفيش حاجة خلاص ومش هعمل أي حاجة وربنا يقدم الخير، وإن شاء الله أكون في مصر خلال أيام، وشكرًا بجد أن صوتي وصل ولقينا حل مع أستاذ هاني محروس وشكرًا للأستاذ سيد حجاج على تدخله وحصل خير يا شباب، وأنا خلاص همسح البوستات اللي فاتت، وادعولي ربنا يثبتني على طريق الحق وإن شاء الله ف مصر لما أنزل بيتي مفتوح لأي حد من أهلي وحبايبي اللي وقفوا جمبي ودعموني، وإن شاء الله أسجل القرآن الكريم كامل بصوتي قريبا وانزله عندي، الحمد لله رب العالمين والله بحبكم في الله ويشهد الله على ما في قلبي من محبة ليكم.