سارة نخلة تنتقد عودة حلا شيحة للفن: بنصحك تروحي لدكتور نفسي

شنت الفنانة ومقدمة البرامج سارة نخلة، هجوم واسع على الفنانة حلا شيحة بعد إعلان عودتها إلى الفن.

تحيا مصر يرصد هجوم سارة نخلة على حلا شيحة.

سارة نخلة تعلق على عودة حلا شيحة للفن

وقالت سارة نخلة خلال حلقتها ببرنامج  FACE OFF المذاع على شاشة هي: الناس مش عايزين حلا شيحة ترجع عشان فقدت مصداقيتها، السيناريست هيخاف يجي يديكي سيناريو تقوليله تاني يوم لا خلاص أنا اتحجبت.

هجوم سارة نخلة على حلا شيحة

واضافت سارة نخلة: أنا كان عندي مشاكل نفسية ولجأت لدكتور لعلاج نفسي ودة مش عيب واحنا في المجتمعات العربية عشان مش متقبلين دة بنقول عليه لايف كوتش ولكن ده علم، بنصح حلا شيحة أنها تروح لدكتور نفسي، حلا محتاجة تقعد مع نفسها سنة أو سنتين تلاتة على الاقل وتفكر هي عايزة ايه. 

ردود الأفعال على عودة حلا شيحة للفن

وسبق وقالت ماجدة خير الله خلال مداخلة هاتفية لبرنامج قعدة ستات الذي تقدمه مروة صبري على شاشة القاهرة اليوم : رأيي أن غياب حلا شيحة أو وجودها لا يترك أثر، وإحنا بندي قيمة كبيرة جدا بالحديث عن وجودها أو اختفائها، هي فنانة محدودة الموهبة وفي عشرات من الممثلين والفنانين الموهوبين بجد محتاجين إلى فرص، وافتقادها مش حاجة مهمه.. وهناك فنانات سواء خريجي معهد أو لأ ولكن موهوبين جدا، وأخذوا فرص واثبتوا وجودهم.

وتابعت: احنا بنضيع وقت مع حد مش مهتم بالفن، مش مهتم بالمهنة، بل بالعكس بيسئ إليها .. بيخلي الناس تعتقد أن المهنة دي شغلانه كده يقدر يخش فيها ويطلع زي ما هو عايز.

وأضافت: وجود حلا شيحة مع عادل إمام وشريف منير تفتكري هي اللي كانت موقفه الفيلم على رجله ؟! لاء طبعا حتى في اللمبي .. كانت عبلة كامل، هي حظها أنها كانت بتتواجد معها ناس هما اللي شايفين الحكاية، هي كانت مجرد بنت لطيفه شكلها حلو، خلاص الكلام ده من 15 سنة، لكن دلوقتي لم تعود البنت اللطيفة، في 15 مليون واحدة طلعوا بعد كده موهوبين وحلوين وسنهم مناسب.. احنا ليه ماسكين في أهداف واحدة مش مهتمة بالشغلانه الفنية خالص.

واستطردت: إن حلا شيحة تروح وتيجي يبين أنها مش مهتمة بالفن أصلا أو في وقت فراغها أو متضايقة أو وزهقانه تقولك أما أعملي فيلم، إحنا ليه نستجيب لده؟.

وأردفت: وعن حديث نقيب الممثلين بأنه سيأخذ رأي الأسرة الفنية حتى تعود حلا شيحة، والله يرحبوا بيها إذا متقبلينها، لكن هل الجمهور هقدر أفرض عليه حب فنانة هي مش مهتمه أو بتهين المهنة .. والله لو ده اللي ماشي يتحملوا بقى ؟!  الناس مش هتبقى مرحبة  الناس هنا اللي هو الجمهور والشركات المنتجة لازم تكون حريصة على العمل الفني .. ممكن تعمل ربكة لشركات الإنتاج وربكه لزملائها، لو الناس هتتحمل هذا العبث اوكي .. اكننا بنقدم فن مفيهوش مسئولية.

واختتمت ماجدة خير الله حديثها قائلة: مفيش شخص على وجه الكرة الأرضية معندوش مشاكل نفسية لكن مترميش مشاكلك النفسيه وعقدك على الآخرين، حلا شيحه بتاخد فرصة بتاعه آخرين .. فإذا لم تكن جاده وتموت نفسها علشان تثبت هذه المره أنها تستحق هذه الفرصة .. فعليها أنها تبعد للابد.