بسمة وهبة لـ مذيعة لبنانية: عايزة تلبسي عريان أنتي حرة بس متدخليش ربنا في العري

حرصت المذيعة بسمة وهبة التعليق على تصريحات إحدى المذيعات اللبنانيات بشأن ارتداء الفساتين المفتوحة، وذلك خلال برنامجها 90 دقيقة المذاع عبر شاشة تلفزيون قناة المحور.

تحيا مصر يرصد تفاصيل تعليق بسمة وهبة 

تعليق بسمة وهبة  على تصريحات مذيعة لبنانية

وقالت بسمة وهبة: أنا ممكن يبقى عندي هوس أني أبقى تريند، دا مسموح، لكن معملش حاجة شاذة وفيها عدم حياء عشان أبقى تريند، زي الولد اللي صور والده وهو بيحتضر، الحقيقة شيء مؤسف، أو زي فنانة تقرر تعتزل الفن وترجع في كلامها.

وتابعت: زي المذيعة اللبنانية اللي قالت مفيهاش حاجة لما نلبس فساتين عريانة، أنتي حرة، بس متدخليش ربنا في العري، وتقولي أصل ربنا خلقنا عرايا، بتعملي تريند ملكيش دعوة بربنا، أنتي عايزة تبقي بلبوصة ولا كلنا نبقى بلبوص، لا يا حبيبتي مش هنعمل كدا، ومفيش حد يقبل بالكلام دا في كل الأديان.

تصريحات جويل مردينيان المثيرة للجدل

وسبق وأن أثارت جويل مردينيان الجدل في الساعات القليلة الماضية وذلك بسبب تصريحاتها المثيرة للجدل خلال برنامج “كتاب الشهرة”، والتي كشفت فيه بأنها تخشى جزاء الرب على الملابس التي ترديها لأنه خلق الانسان بدونها.

وقالت جويل مردينيان خلال البرنامج: أنا مؤمنة جدا بربنا ودايما بقول إنه هيجازيني لأني لابسة فستان عشان هو خلقنا بدون هدوم، وممكن أكون مغطية نفسي من فوق لتحت بس نيتي مش حلوة، أو من جوة أنا مش حلوة، فأنا بأمن إن ربنا مش هيقف معانا لأننا بنلبس لبس معين هو واقف معانا على طول,

وتابعت: ربنا بيجربنا، قد اي نفسنا ننجح وقد ايه بتعب وبضحى وأكتر من غيري، واللي قادر يضحي أكثر من غيره عشان يوصل أكتر من غيره بيوصل بإيد ربنا.

معاناة بسمة وهبة مع الحسد

وعلى صعيد آخر، تحدثت الإعلامية بسمة وهبة عن معاناتها مع الحسد بسبب السوشيال ميديا، وذلك خلال مقطع فيديو عبر خاصية ستورى على حسابها الشخصي بموقع تبادل الصور والفيديوهات القصيرة انستجرام.

وقالت وهبة: أنا بطلب يا جماعة من كل الناس اللي بتتفرج على صوري متفتكروش الصور اللى برا دي الحياة اللي جوه.. أبدًا والله العظيم كل واحد ربنا في حياته حتة ناقصة بس أنا الحتة بتاعتي غير بتاعتك فكلنا بنعاني.

وتابعت: بقيت أخاف أنزل صوري، لو أخذت صورة أو فيديو ونزلت حاجة تفتكروا إنى في رحلة ترفيه، مش كل صورة أو فيديو تشوفوها يبقى هي دي الحياة لأ كلنا بنعاني زي بعض، أوعوا تصدقوا الصور اللى بتشوفها دي الحياة الخلفية.