مصطفى هريدي: حبي لعادل إمام مش مصلحة.. وبيقولي حب مهنتك عشان مهنتك تديك

تحدث الفنان مصطفى هريدي عن تفاصيل علاقته بالزعيم عادل إمام، وذلك خلال لقاء له ببرنامج الستات مع مفيدة وسهير جودة.

تحيا مصر يرصد تفاصيل تصريحات مصطفى هريدي

مصطفى هريدي وعادل إمام

وقال مصطفى هريدي: من ساعة ما اشتغلت مع الزعيم في التجربة الدنماركية، حصل الحب بيننا، وحبي لعادل إمام من طفولتي، وأني اشتغل معاه دي حاجة كبيرة أوي بالنسبالي، وهو عارف أنه حبي ليه حب صادق مش وراه مصلحة.

وتابع: عادل إمام احتواني من أول ما دخلت الوسط الفني، وهو اللي نبهني وفهمني وعلمني، وكان دايما يقولي حب مهنتك عشان مهنتك تديك، علاقتي بالزعيم علاقة أب لابنه وأستاذ لتلميذه، وعلاقتي بتامر حسني علاقة كويسة جدا بس مش كل يوم مع بعض، عادل إمام بخير وزي الفل، وصحته كويسة، ومفيش حاجة من اللي الناس بتقولها.

خلاف مصطفى هريدي وإيناس الدغيدي

وفي الحلقة ذاتها، كشف الفنان مصطفى هريدي عن السبب وراء اختفائه عن الساحة الفنية في الفترة الأخيرة، وقال مصطفى هريدي: أنا ابتديت 2003، وأول حاجة ليا كانت التجربة الدنماركية واستمريت واشتغلت في مسرحية بودي جارد، وبعد ما عملت فيلم مجنون أميرة مجاليش شغل، وبعد كدا سافرت الأردن 4 سنين، واشتغلت هناك في أعمال فنية.

أما عن خلافه مع المخرجة إيناس الدغيدي قال: إيرادات فيلم مجنون أميرة كسر الـ 3 مليون، والمخرجة إيناس الدغيدي شافتني في العرض الخاص بتاع فيلم ليلة البيبي دول، وقررت أن هي تجيبني عشان مجنون أميرة.

مصطفى هريدي وتامر حسني

وسبق وأن كشف الفنان مصطفى هريدي عن سبب عدم عمله مع النجم تامر حسني في أعمال فنية، وذلك خلال لقاء له ببرنامج المنسي مع الإعلامية إنجي هشام عبر قناة هي.

وقال مصطفى هريدي: السؤال ده أصعب سؤال بيتسألي وبيتسألي من الناس ده مش تقصير مني، أي مخرج أو منتج لما بيعمل كاست عارف أن اسمي بيتحط في الترشيحات  لكن في ممثلين تانية ممكن تفوز بالدور وف الأول والاخر نصيب.

وتابع: تامر حسني أنا وهو صحاب جدا ولكن كل واحد بيفكر في شغله واتعلمت من عادل إمام أن الكاست ده مفهوش مجاملات، مش عشان احتمل حد اجيبو في دور مش دوره ولكن كل دور بينادي صاحبه.