مصطفى هريدي عن إيناس الدغيدي: كانت عايزة تشوه سمعتي وقالت عليا مدمن

كشف الفنان مصطفى هريدي عن السبب وراء اختفائه عن الساحة الفنية في الفترة الأخيرة، وذلك خلال لقاء له ببرنامج الستات مع مفيدة وسهير جودة.

تحيا مصر يرصد تفاصيل تصريحات مصطفى هريدي

وقال مصطفى هريدي: أنا ابتديت 2003، وأول حاجة ليا كانت التجربة الدنماركية واستمريت واشتغلت في مسرحية بودي جارد، وبعد ما عملت فيلم مجنون أميرة مجاليش شغل، وبعد كدا سافرت الأردن 4 سنين، واشتغلت هناك في أعمال فنية.

خلاف مصطفى هريدي وإيناس الدغيدي

أما عن خلافه مع المخرجة إيناس الدغيدي قال: إيرادات فيلم مجنون أميرة كسر الـ 3 مليون، والمخرجة إيناس الدغيدي شافتني في العرض الخاص بتاع فيلم ليلة البيبي دول، وقررت أن هي تجيبني عشان مجنون أميرة.

وتابع: لما اتعرض عليا الفيلم عجبني ومضيت ودخلنا نصور، وفرحت بسبب فرصة البطولة، والمشاكل بيني وبينها ابتدت لما الفيلم نزل ومعملش حاجة من وجهة نظرها، هي سابت الفيلم ومشيت، نزلت الفيلم في السينما، ومعملتش عرض خاص ولا دعاية، واعتمدت فقط على اسمها، والفيلم اتظلم بس مش مني، ومن تالت يوم تصوير قالتلي أنت مش بتاعي أنت بتاع السبكي.

واضاف: إيناس الدغيدي قالت عليا مدمن وقالت بيتعاطى، دا سب وقذف وتشهير، وهي كانت عايزة تشوه سمعتي ودا اللي حصل، وبسببها اتعاملت على أني تاجر مخدرات في أحد المطارات.

رفض مصطفى هريدي من كلية الشرطة 

وسبق وأن صرح الفنان مصطفى هريدي عن سبب رفضه في كلية الشرطة، وذلك في لقائه ببرنامج الستات ميعرفوش يكدبوا.

وقال مصطفى هريدي في برنامج الستات ميعرفوش يكدبوا: كان نفسي اشتغل ظابط ودخلت وقدمت في كلية الشرطة و سقطت بسبب وداني اللي كانت وش السعد عليا بعد كده، وكانت أول سنة يحطوا حاجة اسمها اذن وطواطية على إنها علامية مميزة في الظابط، فسقطت بسبب إن عندي علامة مميزة.

وتحدث هريدي عن علاقته وبعض المواقف له مع الراحل عامر منيب، قائلًا: في بداية شغلي مكنش ليا أجر كبير، وعامر منيب سألني وقولتله، وقالي هتكلم مع المنتج واداني ضعف اللي كنت باخده.