علي صبحي عن دوره في تحت الوصاية: الناس لما بتشوفني بتقولي اضحك الضحكة

فجر الفنان علي صبحي عدة تصريحات حول دوره في مسلسل تحت الوصاية، الذي عُرض في الموسم الرمضاني االمنصرم 2023.

تحيا مصر يرصد تصريحات علي صبحي.

تصريحات علي صبحي

وقال علي صبحي في لقائه مع الإعلامية سهير جودة: موضوع الضحكة بتاعتي في المسلسل الناس أول ما بيشوفوني بيقولولي أضحك الضحكة أو هما بيضحكوا الضحكة، والحمدلله ده فضل من ربنا كبير جدًا أن الشخصية تنجح والناس تحبها بغض النظر أنها كانت سخيفة أو شخصية رخمة لكن قدروا يحبوها عشان شافوا الجانب الإنساني اللي فيها.

علي صبحي في تحت الوصاية 
 

وتابع علي صبحي: الحمدلله المخرج محمد شاكر كان حساس مع جميع الشخصيات وعاملها باحترافية شديدة جدًا، وده مش مجهودي لوحدي ده مجهود كل الناس أن الشخصيات تطلع بالصدق ده للجمهور.
 سر نجاح علي صبحي في تحت الوصاية 

واضاف علي صبحي عن ترند ضحكة عيد في مسلسل تحت الوصاية، قائلًا: الحمدلله ربنا بيديني الحاجة في وقت أنا مستعد ليها، نجاح الضحكة ده مش أنا بس اللي مسئول عنه، اللي مسئول عنه معايا المخرج محمد شاكر واختياره لـ اللحظات اللي هيتحط فيها الضحكة دي كانت هي المفتاح لنجاح الضحكة.

وعن كواليس فيلم علي معزة وإبراهيم، وعن سر نوم معزة بجانبه على السرير، حيث قال إنه قبل انتهاء التصوير بأسبوع جاءوا بمعزة تُدعى نادية في سيناريو الفيلم، مُعلقًا: قررت أخدها معايا البيت وباتت معايا فعلًا على سرير واحد، وكان أول يوم لوجود المعزة في البيت مراتي كانت مسافرة، وكانت تجربة خطيرة.

وأشار إلى أن تواجده في منطقة السيدة زينب ليس وراءه سر، وسبب تواجده في هذا المكان يرجع إلى وجود طاقة إيجابية في هذا المكان، فهو محب جدًا للسيدة زينب، ويحرص على حضور مولد السيدة زينب ويستمع للإنشاد والمدح.