حسين فهمي: أي حد بقى يقف قدام الكاميرا يبقى مشهور بسبب التكنولوجيا

علق الفنان المصري حسين فهمي، على دور التكنولوجيا في جلسات التصوير، وذلك خلال حواره مع برنامج The Insider.

تحيا مصر يرصد تصريحات حسين فهمي. 

تصريحات حسين فهمي 

وقال: التكنولوجيا غيرت موضوع الفوتوسيشن تمامًا، زمان كانت المجلات هي اللي مهمة، بس دلوقتي السوشيال ميديا بقت هي اللي مهمة وكل واحد بقى كأنه عنده المجلة بتاعته.

تعليق حسين فهمي على تطور التكنولوجيا 

وتابع قائلا: دلوقتي كمان بقى التصوير سريع، وأي حد بقى يقدر يقف قدام الكاميرا ويبقى مشهور، والموبايلات سهلت إن كلنا يبقى معانا كاميرات وده مكنش موجود أيامنا، كنا يدوب نلاقي أوتوجراف نكتب عليه ولا حاجة.

وتألق الفنان حسين فهمي في مسلسل سره الباتع من بطولة  أحمد فهمي، ريم مصطفى، أحمد السعدني، حنان مطاوع، حسين فهمي، نجلاء بدر، عمرو عبد الجليل، صلاح عبد الله، هالة صدقى، أحمد عبد العزيز أحمد وفيق، منه فضالي، أحمد عبد العزيز، محمود قابيل، عايدة رياض، خالد سرحان، مصطفى درويش، علاء حسني، ناهد رشدي، أيمن عزب، أيمن الشيوي، مفيد عاشور، مجدي فكري، محمد الصاوي، ميسرة، صبري عبد المنعم، عمر زهران، خالد طلعت، شريف حلمي، محمود عزت، عفاف مصطفى، هايدي سليم.

آخر أعمال حسين فهمي الدرامية

وتدور الأحداث حول الشاب الذي يبحث عن سر مقام "السلطان حامد" الموجود في إحدى قرى الريف المصري، ويقوده البحث عن اللغز إلى وقت الحملة الفرنسية على مصر، ويُكتشف أن صاحب المقام لعب دورا هاما في مقاومة الاحتلال، حيث قام بقتل أحد قادة الجنود ولذلك أطلق الاحتلال حملة للقبض عليه خاصة أن له علامة مميزة وهي وشم عصفور على وجهه وأربع أصابع فقط في يده، ولكن يقع الجنود في ورطة عندما يقوم الشباب في القرى التي يهرب إليها بقطع إصبع من أصابعهم ورسم نفس الوش على وجوههم لتضليل الجنود والحفاظ على حياة "حامد".

وكان قال حسين فهمي: ولاد ولادي بينادولي باسمي ومفيش لا جراند بابا، وكلهم واخدين مني زي انهم دمهم خفيف وبيحبوا الحياة وليبراليي.. ومعنديش احفاد اسمهم ولاد ولادي.

وتابع حسين فهمي: “وحيد فريد مدير التصوير قالي أن حليم كان بيغير منك، وكان عليا هجوم كبير، وساعتها قولتله ايه علاقة عبد الحليم حافظ بيا؟ قولتله ايه العلاقة قالي لما البنت تشيل صورة حليم وتحط صورتك اكيد لازم يغير منك”.

وأضاف: “معرفش مين بيغير مني، عشان عمري ما غيرت من حد خالص، وبنصح أي شاب جديد داخل السينما متبصش يمين ولا شمال وحب الكل عشان الناس تحبك”.

وعلق الفنان حسين فهمي على التنمر على الفنانة ميرفت أمين خلال الفترة الماضية، وقال حسين فهمي: اللي حصل ان ميرفت امين رايحة عزا، ومش متخيل ازاي الناس تعلق تعليق سخيف بالشكل ده، وهي انسانة طبيعية ورايحة حزينة والحزن بيأثر في ملامح الوجه، ومفهمتش التريند السخيف ده.