محمد منير في حفل مشواري: أحمد سعد صديقي الشقي.. والأخير يمازحه: النهارده لابس بدلة اهو

تألق الفنان أحمد سعد، مع الكينج محمد منير حفله مشواري بجدة  بأغنية سو يا سو التي قدماها سوًيا.

تحيا مصر يرصد ممازحة الكينج للفنان أحمد سعد.

أحمد سعد في حفل محمد منير

ومازح الكنيج محمد منير أحمد سعد قائلًا: صديقي الشقي ليرد عليه الأخير: النهارده لابس بدلة أهو.

 أحمد سعد يعبر عن حبه للكينج

وأضاف أحمد سعد في حديثه للكينج: بصراحة مفيش حاجة مش هتوفيني معزتك في قلبي وقلبنا كلنا ومش هقدر أرد عليك غير بالغناء.

تصريحات أحمد سعد

من جانبه، كان فجر أحمد سعد عدة تصريحات خلال حلوله ضيف على Gossips كالآتي:

المسرح وقع بيا وأنا بغني أنا والناس لأنهم كلهم طلعوا على المسرح عشان يرقصوا معايا وفجأة لقتهم شالوني ودخلوني بيت ومهتمين بيا جدا وأنا مفييش حاجة فكنت مستغرب.

أنا بحاول دايما إني اخس وكنت فاكر إني أما اشترك في الجيم ومروحتش جسمي هيظبط.

أكتر حاجة بصرف عليها فلوس هو اللبس ومبعرفش ألبس اللبس الا مرة واحدة.

عمرو سعد طريقته في النصيحة وحشة جدا يعني ممكن أكون شغال بقالي يومين في اغنية ويقولي اي القرف ده.

قمة النضج إنك تختار زوجة بتهتم بنفسها مش بيك، عشان هي لما تحب نفسها تعرف تحبك وتكون بتحب كيانها ولو هي فاقدة أي شيء في نفسها مش هتحبك.

عمرو سعد بيخاف على نفسه من النجفة، شيرين عبد الوهاب صديقة عمري وكنا بنقعد على ديسك واحد، أحمد مكي من الشخصيات اللي بتفهم والكلام اللي قولناه في الكبير كان تلقائي مش متحضر، بسمة وهبة شخصية جميلة جدا وبتحب التريند حب كبير.

ويل سميث سمع الاغاني بتاعتي واتبسط جدا وطلب مني نعمل ديتو مع بعض.

سميت اسم بنتي على اسم مراتي منعا لحدوث مشاكل ولاني شخصيتي جامدة جدا في البيت.

تحدث أحمد سعد على لقب نمبر وان الذي أطلقه الفنان محمد رمضان على نفسه، فقال: مش بيقول لحد معين ده أسلوب في الأغنية انك تقول إن مفيش زيي، لكن هو مش بيقول كدة في الحياة العادية.

وعن حقيقة توجيه أغنيته “وسع وسع” للرد على محمد رمضان، قال أحمد سعد: الناس بتحب تعمل أكشن لكن ده مش حقيقي لأن أنا مش شايف حد نمبر وان أكبر مني أو أعلى مني مفيش حد فوق وأنا تحت، أنا موهوب في حتة والتاني موهوب في حتة تانية.

وتطرق أحمد سعد بحديثه عن سبب تألقه ونجاحه في العام الماضي، فقال: أمي دعتلي وزوجتي وشها حلو عليا جدا متدخلة في كل شيء في حياتي وكان معاها قدم السعد، بتحبني أطلع بشكل معين ودايما مركزة معايا.

وأضاف: طريقة النصيحة بتكون غريبة جدا لأن أنا مش بحب النقد أوي، وهي دايما بتنتقدني وتقولي مش المفروض تعمل وأنا بطلع مببرات إن اللي عملته هو الصح لكن بعد كدة بعرف انها عندها حق.. أنا عليا حاضر في البيت ترن البيت أوقى حاضر ممكن تسمعها.