مروة عبد المنعم: مفكرتش في الاعتزال وحاسة بعدم التقدير زي مريهان حسين

كشفت الفنانة مروة عبد المنعم عن طريقة تعاملها مع انتقادات الجمهور على مواقع التواصل الاجتماعي، وذلك خلال لقائها اليوم ببرنامج الستات المذاع على شاشة تلفزيون النهار.

تحيا مصر يرصد تفاصيل تصريحات مروة عبد المنعم في الستات

وقالت مروة عبد المنعم: الناس شايفة أن الفنان دا معاه بنك، ولما نزلت فيديو وقولت أنا عايشة في إيجار يردوا عليا ويقولوا ما أنتي قولتي قبل كدا أن أنتي اشتريتي فيلا، بيفرق معايا كلام الناس لما يدخلوا في حتة ولادي، لما بلاقي حد بيتكلم على بنتي برد، والناس عمرها ما هتتغير.

مروة عبد المنعم: حاسة بعدم التقدير

وتابعت: كلمت دكتور أشرف زكي عشان أشتغل، وأنا أفشل واحدة تكلم المخرجين عشان الشغل، وفيديوهات التيك توك ساعدني بأن الناس تفتكرني ودا كان هدفي.

واستطردت: أنا مفكرتش في الاعتزال أنا بحب الفن جدا، ولما بدأت مش بتطلب درست فن، وعملت مسرح، ومحتوى على السوشيال ميديا وأنا جوايا حالة إبداع لازم تطلع، وأنا حاسة بعدم التقدير عشان كدا تضامنت مع الفنانة مريهان حسين لما أعلنت اعتزالها.

مروة عبد المنعم: معنديش رفاهية الانهيار

وفي الحلقة ذاتها، تحدثت الفنانة مروة عبد المنعم عن تفاصيل حياتها الشخصية في الفترة الأخيرة، وقالت: أنا معنديش رفاهية الانهيار، ودا لوحده بيتعب أوي، أنا لما بحب أعيط مش بعيط في بيتي لأن فيه مراقية من عيالي، فبقولهم أنا نازلة أجيب حاجة وأركب عربيتي وأمشي في الشارع وأقعد اصرخ وأعيط، وأرجع.

وتابعت: أنا مشكلتي بدأت من بعد الثورة، مبقاش فيه إقبال على الشغل، ومعرفش ايه السبب، وطلاقي كان أصعب من قضية البنت اللي كانت شغالة عندي وماتت، في القضية حسيت بظلم واتهام الناس ليا من غير ما يفهموا الموضوع، ولما حصل دا سيبت فيلتي وروحت شقة إيجار، وبعدها حصل الانفصال.

أخر أعمال مروة عبد المنعم

ومن الجدير بالذكر أن أخر أعمال مروة عبد المنعم مسلسل عالم تاني الذي تدور أحداثه حول فكرة لو علمتم الغيب لاخترتم الواقع حيث تتعرض (نغم) عازفة البيانو لحادث يغير حياتها لتصل لمرحلة من مراحل الشفافية الروحية، وتسقط الأقنعة عن أقرب الناس لها سواء كان زوجًا أو صديقًا، وتجد نفسها في مفترق الطرق.