سيد الطيب: خدت أدوار مساحتها كبيرة ومتصرفش عليها ولحد دلوقتي مظهرتش موهبتي

حل الفنان سيد الطيب ضيف على برنامج المنسي، الذي تقدمه الإعلامية إنجي هشام للكشف عن سبب ابتعاده عن الساحة الفنية في الفترة الأخيرة، الحديث عن أعماله الفنية.

تحيا مصر يرصد في ذلك التقرير تصريحات سيد الطيب في برنامج المنسي

سيد الطيب: عملت أدوار مساحتها كويسة ومتصرفش عليها

كشف الفنان سيد الطيب عن سبب مساحات ادوارة الصغيرة قائلا: عملت أعمال مساحتها كويسة ومتصرفش عليها، عملت بطولة سباعية اسمها ليلة زواج بهية من تأليف الدكتور أحمد عفيفي وإخراج محمد دنيا وكان معانا مجموعة كبيرة وكانت مكتوبة بشكل كويس لكن متصرفش عليها، عملت بطولة مسلسل مع ندى بسيوني كان اسمه عبد الله كل مرة وكنت كل حلقة بعمل شخصيات متخلفة، حلقة اسرق انابيب، حلقة بتاجر في المخدرات، حلقة بتاجر في السلاح، حلقة للحم الحمير وفي صديق ليا صعب عليه المسلسل.

سيد الطيب: مساحات أدواري مأبرزتش موهبتي

وتابع سيد الطيب: مساحات أدواري مأبرزتش موهبتي، أنا في مسلسل اسمه الاعصار سنه ١٩٩٧ جابوني بدل محمد سعد وفي مسلسل اهل الرحمة جابوني بدل محمد شرف وكان وقتها شرف متنجم وكويس وفي يا ورد مين يشتريك برضو جابوني مكان محمد شرف وكان إخراج استاذ احمد توفيق والمخرجة رباب حسين، أنا عملت شغل كويس وراضي عنه.

وكشف عن نصيحة قدمها له الفنان نور الشريف  :" سألت الاستاذ نور الشريف ليه بيجبوني ساعات في أدوار صغيرة وساعات أدوار كبيرة قالي مدام مرفعتش سماعة تليفون على المخرج وهو افتكرك لو عايزك في مشهد روح أعمله كأنك بطل هذا العمل.

عشان عيالي يعيشوا كويس.. سيد الطيب يكشف سبب خروجه من الفن

تحدث الفنان سيد الطيب عن سبب خروجه من الوسط الفني واتجاهه لمشاريع المقاولات قائلا :'لقيت زمايل ليا احسن مني واشتغلوا قبل مني بكتير وناس كويسة ومعاه روشتة مش قادر يجيب العلاج بتاعها، انا معايا ست اطفال ولقيت أن مينفعش الأنانية تاخدني وان أنا عشان احقق ذاتي وابقي ممثل كبير ومشهور والعيال متترباش كويس ولادي مذنبهمش حاجه لازم يسكنوا في حته كويسة ولازم يركبوا عربية كويسة، لازم يكون عندهم شاليه كويس ولادي لازم يلبسوا كويس وياكلوا كويس يعيشوا كويس وأمنلهم مستقبلهم

واستكمل: مينفعش كل ده من خلال الفن، الفن مبيديش واللي بياخدوا التورتاية مجموعة هما اللي القنوات بتطلبهم والموزع بيطلبهم لكن الناس اللي تحت مبياخدوش حقهم، محدش بياخد الاجر اللي يعيشه وبيبقي في إجحاف.

وكشف عن موقف حدث له بسبب الأجر قائلا : مرة اختلفت مع مدير انتاج على الأجر قالي أنا ببيع بالفخراني مش ببيع بيك قلتلوا روح للفخراني خليه يصور مع احترامي ليه.