بسمة وهبة: بقيت اخاف انزل صوري سيبونا في حالنا ومتركزوش معانا

تحدثت الإعلامية بسمة وهبة عن معاناتها مع الحسد بسبب السوشيال ميديا، وذلك خلال مقطع فيديو عبر خاصية ستورى على حسابها الشخصي بموقع تبادل الصور والفيديوهات القصيرة انستجرام.

تحيا مصر يرصد معاناة بسمة وهبة مع الحسد

معاناة بسمة وهبة مع الحسد

وقالت وهبة: أنا بطلب يا جماعة من كل الناس اللي بتتفرج على صوري متفتكروش الصور اللى برا دي الحياة اللي جوه.. أبدًا والله العظيم كل واحد ربنا في حياته حتة ناقصة بس أنا الحتة بتاعتي غير بتاعتك فكلنا بنعاني.

وتابعت: بقيت أخاف أنزل صوري، لو أخذت صورة أو فيديو ونزلت حاجة تفتكروا إنى في رحلة ترفيه، مش كل صورة أو فيديو تشوفوها يبقى هي دي الحياة لأ كلنا بنعاني زي بعض، أوعوا تصدقوا الصور اللى بتشوفها دي الحياة الخلفية.

واختتمت بسمة وهبة حديثها قائلة: خفوا على بعض وبعدين لو بإيدي أتعالج في مصر كنت قعدت هو أنا عايزة أدفع  فلوس أكثر، لكن أنا عندي مرض محتاج سفر ودكاترة معينة والحمدلله راضية وسيبونا في حالنا ومتقعدوش تركزوا.

وسبق وقالت: والنبي استحلفكم بالله ما تنبروا عليا والله ما جاية أتفسح في لندن.. تصدقوا بالله أنا بنزل من غير فلوس في لندن عشان الحاجات هنا مولعة نار.

رحلة علاج بسمة وهبة في لندن

وأضافت: أنا جايه رحلة علاج والله العظيم ادعولي ما تنبروا عليا أنه يشفيني ويكتبلي الحج.. والنبي ما تنقوا ولا تنبروا عليا وهاخدكم جولة معايا بكرا عند الدكتور والمستشفى عشان ترتاحوا وتدعوا من قلبكم.

وفي لقائها في برنامج إي تي بالعربي: اللي عمله محمد فؤاد في حلقة العرافة كانت حركة ندالة جدًا منه وكل اللي شغالين في البرنامج لأنهم عارفين أنا نقطة ضعفي ولادي.

وتابعت: من ساعة ما انفصلت عن والدهم وهما صغيرين وعاشوا معاه في بلد تاني وأنا في بلد وأنا مُت من يومها من غير ما اتدفن وده كان قهر بالنسبالي وعذاب.

تصريحات بسمة وهبة 

وأضافت: محمد فؤاد غناها عشان ينكد عليا ويكسرني قبل الحلقة وقالي انتي جاهزة وأنا استغربت، وفي كمية غدر كبيرة في البرنامج ده.