بيعاكس بنات الثانوي.. هالة تطلب الخلع: زوجي متصابي

مراهق رغم أنه عنده 42 سنة.. بهذه الكلمات بدأت هالة حديثها عن زوجها الذي أقامت دعوى خلع ضده في محكمة الأسرة بمصر الجديدة، بسبب إرتكابه أفعاله مراهقة ومعاكسة الطالبات في الشارع وفي المنطقة.

بيلبس هدوم حريمي.. أماني تطلب الخلع: زوجي غير سوي وسلوكه غير طبيعي

مأساة فتاة دمياط.. والد نسمة: معاقة ذهنيا وعجوز إعتدى عليها وحملت منه | فيديو

هالة تطلب الخلع من زوجها

وقالت هالة في قصتها عن زوجها «أنا عندي 41 سنة ومتجوزة من 12 سنة، وأنا عندي 26 سنة عبدالرحمن جوزي أتقدم لأهلي عشان يتجوزني، وكان بيشتغل موظف في شركة وعنده شقة، وفعلا أهلى وافقوا وأتفق معاهم أن الفرح يكون بعد سنة، وبعد سنة والدته توفت وأجلنا الجواز، وفضلت فترة الخطوبة حوالي سنتين و9 شهور، وبعدين أتجوزنا في شقة في مصر الجديدة، وكان جوزي مرح وشخصيته كويسة ومتفاهم لأبعد الحدود».

زوجة: جوزي كان طبيعي لحد سن الأربعين

وتابعت هالة في قصتها مع زوجها قائلة «بعد الجواز بـ 3 سنين ربنا رزقنا بأول طفل وبعدين عبدالرحمن أترقى في الشغل وكانت الحياة ماشية كويس جدا، زي ما أنا عايزاها ويمكن أكتر ما فكرت كمان، وبعدها بـ 4 سنين ربنا رزقنا ببنوتة صغيرة، وكان عبد الرحمن بيحبها جدا لدرجة إني كنت بغير منها ساعات، وكان زوج مثالي مهتم بيا وبالأولاد جدا، ومالوش صحاب ولا قعدات القهاوي ولا الكلام ده كله».

هالة: بيعاكس بنات ثانوي في الشارع

وأضافت هالة «لما عبد الرحمن جوزي سنه وصل 40 سنة لقيت إهتمامه بالموبايل زاد، وبقى يدخل كتير على السوشيال ميديا، وبقى يلطف مع بنات الجيران بكلام معسول، وحسيت فجأة إني في فيلم العذراء والشعر الأبيض، وهما بيسلموا عليه ويقولوا إزيك ياعمو وإزيك يا أونكل وهو معاكسات، وقعدت معاه قولتله بطل الحركات دي، دول قد بناتك قالي أنا بس بلطف الجو بسلم عليهم عادي، وفي مرة وأنا خارجة أنا وهو لقيت بنت الصبح لابسة لبس ثانوي وبتقوله إزيك ياأونكل مشوفتكش من أسبوع حضرتك كويس، وسلم عليها ومشينا قولتله دي مركزة معاك أكتر مني تقريبا مين دي، قالي دول بنات هنا وقد عيالي بس».

وأختتمت هالة قائلة «ومن كام شهر سافرت أنا وجوزي والعيال مرسى مطروح وهناك كان بيقعد على البحر ماسك التليفون وفي يوم طلعنا الشقة ومسكت التليفون أكلم والدتي لقيته بيكلم بنات على الفيسبوك هو مش كلام قبيح ولا غلط لكن هزار وصحاب، والمصيبة أنهم عيال صغيرة، قولتله إيه ده عيب على سنك، قالي دول صحاب بس ومفيش اي حاجة ومجرد ناس على الفيسبوك، وطلبت منه يبطل ده قالي إنتي أتجننتي تقريبا هو أنا في السن ده هعمل إيه يعني، وبعدها روحت رفعت عليه قضية خلع».