حازم إيهاب: كنت عندي أمل أن يحصل معجزة وابني يخف ومراتي غيرت كل حاجة في حياتي

تحدث الفنان حازة إيهاب عن فقده لنجله ووالدته، موضحًا أنه تعلم درس من الفقد، كما كشف عن قصة الحب التي جمعته بزوجته.

تحيا مصر يرصد لكم تصريحات حازم إيهاب

وقال حازم إيهاب خلال استضافته في برنامج الستات والذي يعرض عبر قناة سي بي سي: الفقد غير فيا حاجات كتير وساعدني القي مشاعر جوايا واجابات لقيتها، واللي متاكد منه أن اللي بيحصل في حياتنا خير ولو دورنا على احسن سيناريو في الحياة هيبقى هو ده رغم أن ده أصعب حاجة.

حازم إيهاب: كان عندي يقين أن ابني يخف وتحصل معجزة

وتابع: كنت عارف أن ابني تعبان من قبل الولادة لكن صممت إني أكمل لإني كنت مقتنع أن مهما احنا عملنا هو مفيش اي دليل أن هو يفضل كده أو يخف واليقين أن كان في أمل.

واستكمل:كان عندي مبدأ بقوله لمنة أنا مش عايز ادخل في صراع إني اسقطه واقول لو كنت استنين وربنا عمل معجزة وكان هيطاردني طول حياتي وكان هيبقى صراع هيطاردني ومكنتش هلاقي رد على السؤال ده وفكرة إني اكمل المشوار لأخره عشان كنت مسلم إيرداتي لربنا ومدخلش في قصة ماذا لو،  ولو ربنا مقدرله حاجة هيشوفها.

وكشف حازم إيهاب عن باديته الفنية وقال: كنت عايش في الكويت زمان ومكنتش عندي فرصة إني اكون معلومات وكنت معزول ومصر بالنسبالي كانت مدينة نصر ومكنتش أعرف أي حاجة في مصر.

وأضاف: زمان كنت بقول لصحابي أنا أول ما انزل مصر همثل واللي حببني في التمثيل أنا من وأنا صغير بحب اهزر ومش بتكسف ومكنتش عامل خطة لأي حاجة والنية والسعي هما السبب حتى لو بالعشوائه.

واستكمل: لما كنت في الكويت كنت بقعد اختبر نفسي وأنا صغير قدام المرايا وأعلم نفسي بستلم جايزة أحسن ممثل واعيش في المود لدرجة إني كنت بعيط.

حازم إيهاب: قعدت في الجامعة 8 سنين

واسطرد: بابا مكنش عايزني ادخل معهد فنون مسرحية وقالي ادخل جامعة عادية وبعدين أدخل ودخلت جامعة المستقبل عشان هي أقرب حاجة للبيت ومكنتش بحب فكرة المذاكرة ولما اخترت الجامعة دخلت أقرب جامعة ودخلت بيزنس وقعدت فيها 8 سنين.

وتابع: استاذ خالد جلال كان بيدي ورش في جامعة المستقبل ودخلت مسرح وقولته أنا عايز اتعلم ومن أول ما دخلت كنت بنجح وبجيب تقدير، وبعد ما دخلت المسرح مكنتش مركز في التعلم، ودخلت الجامعة 2014 واتخرجت السنة اللي فاتت.

حازم إيهاب: فكرة الزواج كانت صعبة بالنسبالي بس منة غيرت كل حاجة في حياتي

كما تحدث حازم إيهاب عن فكرة الزواج وقال: منة هي أحسن حاجة في حياتي، وفكرة الزواج كانت صعبة بالنسبالي لكن منة هي اللي غيرتني وفي شخص بيجي حياتك يوريلك الحياة من وجهة نظر مختلفة.

واستكمل حازم إيهاب: أنا بتجوز عيلة مش واحدة وهي أهلها كويسين جدا ومامتها علمتني حاجات كتير في حياتي.