دوللي شاهين: بابا قطعلي أول جيبة لبستها عشان يقهرني وحاولت انتحر كذا مرة

تحدث الفنانة دولي شاهين عن طفولتها وتربية والدها لها في الصغر، كما تطرقت بالحديث عن ابنتها وموقفها من دخولها الوسط الفني.

تحيا مصر يرصد لكم تصريحات دوللي شاهين

دوللي شاهين: مش بحب طفولتي لأني كنت بتعامل معاملة الولد

وقالت دوللي شاهين خلال استضافتها في برنامج "بنشتري راجل"، الذي تقدمه الفنان هبة السيسي عبر قناة الشمس: طفولتي مكنتش لطيفة لإني مكنتش بحب طفولتي وفي سن كنت بتعامل زي الولد وعلاقتي بأهلي مكنتش عظيمة وعلاقتي بوالدي مكنتش حلوة وماما حبيبت قلبي وبحبها وست طيبة بتخاف على عيالها.

وتابعت: بابا أثر فيا اكتر من ماما لأن شخصيته كانت قوية جدًا وبابا هو اللي ربى ماما وتأثيره على العيال والام واتجوزها وهي عندها 14 سنة وهو كان في التلاتينات وتأثيره علينا كان أقوى وكانت بتكبر زينا وتكتشف الدنيا وكانت مش مختلفة كتير عننا.

وأضافت: فرق العمر الكبير ده مش حلو وشايفة أن الست بتنضج أكتر من الراجل وبتستوعب أكبر، والتربية الشرقية أن البنت تتحمل مسئولية بدري وتشيل البيت والفرق لما يبقى كبير زي بابا وماما الفرق بينهم 20 سنة كبير جدًا ودي حاجة مش صح.

وكشفت دوللي شاهين: وأنا صغيرة مكانش عندي فكرة فتى الأحلام، بابا كان راجل شرقي بزيادة وعنده قيود كتيرة، وكان كل أحلامي أتحرر من القيود دي قبل ما أفكر مين فتى أحلامي.

دولي شاهين: أول "جيبة" لبستها في حياتي بابا قطعها علشان يقهرني

وأضافت: مثلا لو بنت عمي أو بنت خالتي لابسة لبس حلو هيقول الله على جمالها، إنما أنا مش مقبول أعمل كده، وأول جيبة لبستها في حياتي وكانت هدية وكان عمري 13 سنة قطعها علشان يقهرني ويضايقني.

وتابعت: كان هدفي أتحرر من العقلية المتخلفة اللي أنا عايشة فيها، ومش قادرة أستوعب ليه كل البنات عايشة عادي وأنا عايشة في قمقم.

وأوضحت دوللي شاهين: حاولت انتحر كذا مرة عشان مفيش حد يحددلي مستقبلي ودخلت مجال التمثيل رغم جبروت بابا، وأنا مينفعش احدد لبنتي هي عايزة إيه أنا ممكن بطريقة معينة أغير مسارها واقنعها أنما افرض مستحيل وهي لو عايزة تبقى ممثلة مش همنعها ورغم جبروت بابا معرفش يمنعني.

دوللي شاهين: مش حابة بنتي تدخل الوسط الفني لأنه كله عذاب وشقى

وتابعت: مش هحب بنتي تدخل الوسط الفني لأنه كله عذاب وشقى وشلالية ومش هيبقى عندها ضهر زيي كده لأني واقفة لوحدي وبطولي.

وعن رأيها في مصطلع السينما النظيفة قالت دوللي شاهين: مفيش حاجة اسمها سينما نظيفة ومفيش أنضف من سعاد حسني والوسط بتاع زمان وياريت كنت اتولدت في العصر ده وكان فيه لبس وشياكة وثقافة.