خالد الجندي: الساعة اللى بتزوغها من الشغل أنت عارف دى حلال ولا حرام.. فيديو

أكد الشيخ خالد الجندي، عضو المجلس الأعلى للشئون الإسلامية، أن كل إنسان يستطيع أن يقيم ما يفعله صحيح أم خطأ، لأن الحسنة هى ما تستحسنه النفوس، والسيئة ما تسوء النفوس، وبالتالى أصبحوا شيوخ أنفسهم ولا يحتاجون إلى شيوخ لى يفعلوا الصحيح من الخطأونظرية المغرر بهم والشيطان ضحك عليهم كلام مش صحيح، كما قال رسول الله صلى الله عليه وسلم، "الحلال بين والحرام بين".

تحيا مصر 

الساعة اللى بتزوغها من الشغل أنت عارف دى حلال ولا حرام

وتابع الجندي، خلال حلقة برنامج "لعلهم يفقهون"، المذاع على فضائية "dmc"، اليوم الأربعاء:"الصحيح هو ما تعارف عليه الناس بأنه صحيح، معرفة الحلال والحرام ليست لغزا وتتعرف عليه من خلال ضميرك، وهذه أمور لا تحتاج إلى شيخ أو عالم من علماء الأزهر، يعنى الساعة اللى بتزوغها من الشغل أنت عارف دى حلال ولا حرام، أكيد عارف إنها حرام، أكيد عارف الرشوة أو خلافه حلال ولا حرام، أنت عارف إن ده حرام".

الجندي: كل واحد عارف المنكر والحرام من الحلال

واستكمل: "تلاقى واحد يقولك أنا ضيعت خلاص، لا يا عم مضعتش ولا حاجة، اعمل حسنات، أعمل اى حاجة تبسط الناس يعنى أى حاجة ترضى الله، كل واحد عارف المنكر والحرام من الحلال، كل عارف إن المخدرات منكر والبيرة منكر والسرقة منكر والتدخين، القرآن محددتش المعروف لأن اسمه معروف، حاجة معروفة يعنى، مش محتاج حد يعرفهالك".