مقبلش بنتي تدخل مجال التمثيل وبحب أنتقي أدواري.. أبرز تصريحات مصطفى حشيش

حل الفنان مصطفى حشيش ضيفًا على برنامج “كلام الناس” المذاع على شاشة قنوات MBC مصر، والذي صرح خلاله بعدد من التصريحات التي يرصدها تحيا مصر في ذلك التقرير.

أبرز تصريحات مصطفى حشيش

• غيابي عن الوسط الفني بسبب إن الظروف والوضع كدة وأنا مؤمن وراضي جدا.
• انا دكتور جامعة فبتنقي ادواري مينفعش اطلع اضرب أو اتهان في دور.
• أجمل حاجة حصلتلي في حياتي إني اتجوزت بدري، وأنا متربي على الأصول والاحترام، وولادي دلوقتي صحابي ودي حاجة مهمة أوي.
• و الست مش مضطرة إنها تنزل الشغل متشتغلش لأن نسبة البطالة عندنا عالية والشباب ماليين الشوارع  يسبولهم فرصة يشتغلوا.
• فيه مواظفات مش شايفيين شغلهم وعالة على الوظائف.
• البنت لو باباها مكفيها متشتغلش لحد ما تتجوز ولو جوزها كفاها متشتغلش خالص.
•  لو الست شغالة ومبتساعدش في مصاريف البيت الراجل المفروض يجبرها على إنها تبطل شغل.
• من صغري وأنا مش شايف نفسي غير وأنا ممثل ومن وأنا في ابتدائي عامل فريق تمثيل وفريق مسرح ورفضت أدخل كلية الطب عشان التمثيل.
• مقبلش بنتي تدخل مجال التمثيل ازاي واحدة تقبل تكون برة البيت بالـ 20 ساعة عشان تصوير.
• مراتي ستي وتاج راسي وهي اللي بتختارلي لبسي.
• بحب اغسل شراباتي بنفسي وأول ما بدخل البيت بعمل كدة وبنظم هدومي بنفسي وأنا دقيق جدا.

أخر أعمال مصطفى حشيش

يذكر، أن أخر أعمال مصطفى حشيش مشاركته في مسلسل عالم تاني، الذي شارك في بطولته إلى جانبه كل من النجوم من بطولة رانيا يوسف، نضال الشافعى، فريال يوسف، فراس سعيد، سميرة صدقى، ديانا هشام، صوفية، تميم عبده، إلهام عبد البديع، مروة عبد المنعم، حسام فارس، أيمن عزب، مصطفى حشيش وعدد آخر من الفنانين، تأليف اسلام يوسف، ومن اخراج عبد العزيز حشاد، وتدور قصة العمل حول فكرة لو علمتم الغيب لاخترتم الواقع.

وتدور أحداث المسلسل حول فكرة لو علمتم الغيب لاخترتم الواقع حيث تتعرض نغم عازفة البيانو لحادث يغير حياتها لتصل لمرحلة من مراحل الشفافية الروحية، وتسقط الأقنعة عن أقرب الناس لها سواء كان زوجًا أو صديقًا، وتجد نفسها في مفترق الطرق.