جابتلي كتكوت أزرق.. أحمد فهمي يكشف عن أغرب هدية من معجبة

كشف الفنان أحمد فهمي عن أغرب هدية جاءت له من قبل معجبة، كما تحدث عن الفرق بين النساء في مصر والعالم، ووجه رسالة إلى الإعلامية ياسمين عز.

تحيا مصر يرصد لكم تصريحات أحمد فهمي

وقال أحمد فهمي خلال استضافته في برنامج  كلام الناي التي تقدمه الإعلامية ياسمين عز ويعرض عبر قناة إم بي سي مصر: في واحدة جابلتي كتكوت أزرق على المسرح  وهي قصدها أنا كتكوتك ، انت فرعوني وأنا كتكوتك.

وتابع: خدت الصندوق ومرضتش افتحه على المسرح ولما روحت البيت فتحت اتخضيت وفضل معايا تلت شهور ومات.

أحمد فهمي: الراجل بياخد قوته من الست

كما كشف أحمد فهمي عن الفرق بين النساء في مصر والعالم: بشوف الست عندها ذكاء مش طبيعي في أي بلد، والست قوتها في دماغها مش في عضلاتها خالص.

وأضاف: والست هي اللي بتدي الراجل القوة، لأنه مش بُرم خالص، لكن الراجل عليه التزامات والست كذلك، ومش عشان أنا أقوى يبقى أتعافى عليها.

أحمد فهمي لـ ياسمين عز: انتي ذكية جدًا

وتابع موجهًا حديثه لياسمين عز: أنا بشوفك ذكية جدا، وأنك دخلتي ساحة فيها مذيعين كتير وموضوعات كتير أوي ده ذكاء"، لترد الأخيرة: “لأ دي بركة الفرعون”.

تصريحات ياسمين عز

وفي الحلقة ذاتها تحدثت الإعلامية ياسمين عزعن حفل زفاف الأمير الحسين وقالت: أخوات الأمير كانوا وافقين ورا العروسة وبيظبطوها الفستان بحب وحُسن نية، وكان سهل يجيبوا واحدة تاخد بالها من الفستان لكن صمموا يعملوا كده عشان يحسسوها أنها اختهم، والملكة رانيا بتقول أن هي رجوتنا ورجوة في عنينا في عين الحسين والرجوة اللي رجوتها من ربنا لابني، و ياريت البنات يستوعبوا درس التقدير ويتعلموا حاجة من فرح إمبارح الموضوع مش حرب، وخلي عندك ثقة في نفسك ومحبتك لأهل جوزك من محبتك ليه واعتبري مرات أخوكي أخت ليكي.

كما كشفت ياسمين عز عن حقيقة غنائها في الماضي بعد انتشار فيديو لها وهي تغني في إحدى البرامج وقالت: أنا مش بغني والإشاعة اللي طلعت عليا غلط، وأنا من 5 سنين تم دعوتي لبرنامج من تقديم الفرعون أحمد فهمي  وكنا في الحلقة بنغني ونلعب ونكسب نقط وكان مطلوب اغني أغنية وغنيت اغنيتن.