ياسمين عز: لو كنت مغنية هنافس كاظم الساهر وياريت البنات يتعلموا التقدير من فرح الأمير الحسين

تحدث الإعلامية ياسمين عز عن حفل زفاف الأمير الحسين ولي عهد الأردن، كما وجهت العديد من النصائح للسيدات للتعامل مع ازواجهم.

تحيا مصر يرصد لكم تصريحات ياسمين عز

وقالت ياسمين عز خلال برنامجها كلان الناس الذي يعرض عبر قناة إم بي سي مصر: الفرعون الصغير ميقدرش يسأل إزاي اسيطر على مراتي لأنه غلبان واقصى طموحه كوباية الشاي وريموت التليفزيون وينام متعشي، والراجل ينام ظالم أو مظلوم المهم ينام متعشي.

ياسمين عز عن حفل زفاف الأمير الحسين: ياريت البنات يتعلموا حاجة من فرح إمبارح ويقلدوه

وتحدثت عن حفل زفاف الأمير حسين ولي هعد الأردن وقالت: أخوات الأمير كانوا وافقين ورا العروسة وبيظبطوها الفستان بحب وحُسن نية، وكان سهل يجيبوا واحدة تاخد بالها من الفستان لكن صمموا يعملوا كده عشان يحسسوها أنها اختهم، والملكة رانيا بتقول أن هي رجوتنا ورجوة في عنينا في عين الحسين والرجوة اللي رجوتها من ربنا لابني

وتابعت: ياريت البنات يستوعبوا درس التقدير ويتعلموا حاجة من فرح إمبارح الموضوع مش حرب، وخلي عندك ثقة في نفسك ومحبتك لأهل جوزك من محبتك ليه واعتبري مرات أخوكي أخت ليكي.

كما كشفت ياسمين عز عن حقيقة غنائها في الماضي بعد انتشار فيديو لها وهي تغني في إحدى البرامج وقالت: أنا مش بغني والإشاعة اللي طلعت عليا غلط، وأنا من 5 سنين تم دعوتي لبرنامج من تقديم الفرعون أحمد فهمي  وكنا في الحلقة بنغني ونلعب ونكسب نقط وكان مطلوب اغني أغنية وغنيت اغنيتن.

ياسمين عز: لو كنت مغنية كنت هنافس كاظم الساهر

وتابعت ياسيمن عز: أنا صوتي لا يصلح للغناء عشان أنا صوتي شتوي والغناء عايز صوت صيفي، ولو كنت مطربة كنت هغني لحب وغزل الراجل وهنافس كاظم الساهر وهيبقى في بينا عداء، ربنا بيقفل باب وحرمني من الغنا واداني من الواسع في الشعر اللي بقوله عن الراجل كل يوم.

ياسمين عز: قررت كل يوم اتكلم عن الست وأعرف الراجل مصايبكوا  

وأووضحت ياسمين عز: قررت اتكلم عن الست وأقول كل اللي خايفه تقوليه من أول ما كنتي صغيرة من الخطوبة وانتي بتعملي نفسك معلقة محاليل عشان تتصالحوا لغاية ما موبايلك فصل شحن وانتي خارجة مع صحابك من وراه.