وفاء عامر: بزعل لما أحس أن جوزي مش شايفني ومعنديش مشكلة مرات ابني تقعد معايا في البيت

تحدثت الفنانة وفاء عامر عن علاقاتها بزوجها، كما تطرقت بالحديث عن نجلها وإمكانية زواجه الفترة المقبلة وطريقة تعاملها مع زوجة ابنها.

تحيا مصر يرصد لكم تصريحات وفاء عامر

وقالت وفاء عامر خلال استضافتها في برنامج كلام الناس الذي يعرض عبر قناة إم بي سي مصر والتي تقدمه الإعلامية ياسمين عز: بزعل لما جوزي يتأخر عليا وما أوحشهوش أو أحس إنه مش شايفني، ولما يبطل يشوفني، لإن الراجل لما يشوف مراته طول الوقت، وكأن مفيش غيرها وبيكون عاوز يعملها كل حاجة حلوة ويبسطها ويقول لها كلمة حلوة بيفرق معاها، لإنك لو وزنتي كنوز العالم قصاد الكلمة الحلوة، الكلمة الحلوة ننجح.

وفاء عامر: بخاف على العلاقات الحلوة

وتابعت: ولما يقول لها وحشيتني وهو لسه نازل من البيت، وأنا بحب أي علاقة حلوة بين اتنين، علشان كده بارقي أي اتنين بيحبوا بعض وبنصحهم علشان ما يتحسدوش لإني بخاف على العلاقات الحلوة.

كما تحدثت عن نجلها وعن طريقة تعاملها مع زوجته في المستقبل وقالت: الست هي الجانب الأضعف وهي هتبقى أقل وساعات بتبقى كبيرة وأكبر من الرجالة وأتمنى أن ابني يسعد مراته.

وفاء عامر: معنديش مشكلة مرات ابني تقعد معايا في البيت

واسطردت: وأنا هبقى في صف مرات ابني ومش هبقى حما صعبة، معنديش مشكلة مرات ابني تقعد معايا في البيت ده يوم الهنا انا هريحها خالص وهدلعها وهتأكل أحلى أكل وتعيش في هنا.

وفي اللقاء ذاته، حرصت الفنانة وفاء عامر على دعم الإعلامية ياسمين عز والدفاع عنها، وشجعتها في ارائها ونصائحها للسيدات في التعامل مع أزواجهم، وقالت وفاء عامر: ياسمين عز مش ضد المرأة، ولكنها مع العمار، ومع بناء البيوت ومع الست طويلة البال، ومع الست اللي تربينا وطلعنا لقينها، الست خلقت من ضلع الرجل اللي هو قريب من القلب، وكان ربنا  يقدر يخلق الست من رجل الراجل علشان يدوس عليها.

وفاء عامر عن ياسمين عز: هي مش  قاصدة إهانة للمرأة وضد إنه يكون فيه طلاق

وتابعت: ياسمين عز مع الست اللي لما تحترم الراجل هيحترمها، لما يكون لها ملك يستحق تكون له ملكة، لما يكون لها أمير يستحق تكون له أميرة، وهي مش قاصدة إهانة للمرأة، ياسمين عز ضد إنه يكون فيه طلاق وتفسخ مجتمعي وعش مهجور وبيوت مهدومة.