وفاء عامر تُدافع عن ياسمين عز: هي مش ضد المرأة وبتشجع على عمار البيوت

حرصت الفنانة وفاء عامر على دعم الإعلامية ياسمين عز والدفاع عنها، وشجعتها في ارائها ونصائحها للسيدات في التعامل مع أزواجهم.

تحيا مصر يرصد لكم دفاع الفنانة وفاء عامر عن ياسمين عز

وقالت وفاء عامر خلال تواجدها في برنامج كلام الناس التي تقدمه الإعلامية ياسمين عز ويعرض عبر قناة إم بي سي مصر: ياسمين عز مش ضد المرأة، ولكنها مع العمار، ومع بناء البيوت ومع الست طويلة البال، ومع الست اللي تربينا وطلعنا لقينها، الست خلقت من ضلع الرجل اللي هو قريب من القلب، وكان ربنا  يقدر يخلق الست من رجل الراجل علشان يدوس عليها.

وفاء عامر عن ياسمين عز: هي مش  قاصدة إهانة للمرأة وضد إنه يكون فيه طلاق

وتابعت: ياسمين عز مع الست اللي لما تحترم الراجل هيحترمها، لما يكون لها ملك يستحق تكون له ملكة، لما يكون لها أمير يستحق تكون له أميرة.

واستكملت: هي مش قاصدة إهانة للمرأة، ياسمين عز ضد إنه يكون فيه طلاق وتفسخ مجتمعي وعش مهجور وبيوت مهدومة.

وفاء عامر توجه رسالة شكر لياسمين عز على الهواء

وأضافت:  أنا بشكرك لأن ده هو المقصد اللي دخل قلبي، وأي حد يتنمر براحته ولكن إحنا هنفضل نبني وهنفضل نقول للست تعامل جوزها إزاي وتحضتنه، ولو قالت له كلمة حلوة هيبقى هو عاوز يرضيها.

واسطردت: والراجل له قوامة في كل حاجة في شجاعته وفي إحساسه بالمسؤولية، فلما الست تحضتن كل ده وتبستم في وشه وتقول له دوس على السرير واعمل اللي أنت عاوزه أكيد هيبستم وهتنزع منه كل حاجة وحشة جواه فيا ريت نبطل تنمر ونفهم بس.

وفاء عامر: في ست بتبقى مسترجلة وبتعمل كل حاجة بنفسها

واستكملت الفنانة وفاء عامر حديثها قائلة: فيه نوعية من الستات مش كل الستات لو عندها لمبة في البيت اتحرقت أو مشحنتش كهربا تفضل مخلية البيت ضلمة لحد ما الراجل يجي يبقى هو اللي بيغير اللبمة، فهو بيحس إنها محتجاله طول الوقت وفي ست مسترجلة وبتعمل كل حاجة بنفسها، لازم يبقى فيه وسط.