محمد سامي: جعفر العمدة كان تحدي بالنسبالي ولازم أخلص تصوير المسلسل قبل رمضان

كشف المخرج محمد سامي عن كواليس مسلسل جعفر العمدة واختياره للشخصيات في العمل، كما كشف عن الأعمال التي  تجمعه بزوجته الفنانة مي عمر.

تحيا مصر يرصد لكم تصريحات محمد سامي 

وقال محمد سامي خلال استضافته في برنامج صاحبة السعادة: ربنا اللي رزقني بالفكرة بتاعت جعفر العمدة، والمسلسل كان تحدي وكان لازم يبقى أكبر نجاح في حياتي وكنت داخل السنة دي أعمل أهم مسلسل ياما مش عايز أعمل تاني 
في المسلسل ده استعنت بصديق مهاب طارق وكنا بنشتغل 12 ساعة أو 18 ساعة.

محمد سامي: بخلص تصوير مسلسلي قبل رمضان

وتابع: المسلسل نجح لأن صناعته صح ومحمد السعدي من كتر ما بزهقه في التفاصيل بيضايق، وبحس أن أول حاجة عشان المسلسل ينجح أكون داخل بالتلاتين حلقة وبخلص الورق والتصوير قبل رمضان مفيش تصوير في رمضان، ولازم تكون عارف هتعمل ايه وبشتغل بشكل بروفيشنال.

محمد سامي: تخيلت شخصية صفصف شبه ماري منيب

وأضاف: بتيجي الشخصية وبألف الشخصيات وجاتلي فكرة صغيرة وببدأ أمسك كل الشخصيات، وبكون عايز أعرف يبقى في جذف في الشخصية، و تخيلت شخصية صفصف في مسلسل جعفر العمدة تكون شبه ماري منيب.

وكشف محمد سامي أنه يتحدث مع رئيس المحطة الفضائية ويخبره متوسط عدد حلقات مسلسله قبل العرض، لأن هناك بعض الحلقات تتخطى الساعة.

محمد سامي: شهادتي مجروحة في محمد رمضان

وكشف محمد سامي: كنت منتظر من مي كساب تركز أكتر من كده وإيمان العاصي كانت مركزة أكتر ومن أول مشهد شكرتها وحسيت بالمجهود، وشهادتي مجروحة في محمد رمضان والكيميا اللي بينا بقت معروفة للناس

كما كشفت مي عمر عن سبب عدم مشاركتها في مسلسل جعفر العمدة وقالت: لو كنت عملت أي دور مكنش هيبقى احسن من اللي عملوه، وأنا مش شايفة نفسي إني كان ممكن أعمل أي دور.

مسلسل جعفر العمدة

مسلسل جعفر العمدة عرض في السباق الرمضاني المنقضي وحقق نجاحًا كبيرًا، وكان يضم عدد كبير من نجوم الفن ومنهم: زينة، محمد رمضان، هالة صدقي، ومي كساب، وإيمان العاصي، ومنة فضالي.