طريقة صنع اللحمة فى البيت بدون لحمة.. شيف تثير الجدل عبر مواقع التواصل الاجتماعي

أثارت شيف عبر مواقع التواصل الإجتماعي الفيس بوك والتيك توك عبر فيديو خاص لها نشرته عن طريقة صنع اللحمة فى البيت بدون لحمة بالدقيق بعد أن ارتفعت أسعار اللحوم فى الأسواق.

تحيا مصر

طريقة صنع اللحمة فى البيت

حيث قالت رشا عبر الفيديو الذى نشرته على التيك توك وتم تداوله على صفحات الفيس بوك أن سعر اللحوم ارتفع والكيلو وصل 350 جنيهًا، قائلة " في الحالة دي لازم اتصرف، ونعمل أحنا اللحمة في البيت، طعمها تحفة وهنعمل منها أحلى كباب حلة ، ولحمة كمان بالبصل".

وبدأت رشا فى شرح خطوات صنع اللحمة فى البيت وطريقة العمل عن طريق فيديو بالخطوات حيث بدأت بعجن العجينة فى البداية مع وضع المياه بشكل تدريجى، لحد ما كمية المياه تخلص وتبقي عجينة طريقة.

خطوات صنع اللحمة فى المنزل

واضافت رشا، ثم بعدك نضيف اللون الأحمر الغذائي، ونقلل من اللون عشان تبقي زى اللحمة العادية مش لونها ونعجنها تانى لحد ما تبقي بتسد ومتماسكة زى الاستك.

واكملت، نحط العجينة في وعاء، ونحط فوقها لتر مياه مغلية ونسيبها 5 ساعات، بعدين نغسل العجينة بالمياه عشان نتخلص من مادة النشا، بناخد قطعة اللحمة، ده اسمه لحم (ستان) وبيتباع برا غالي جدا وبيستخدموا أخواتنا المسيحيين أثناء الصيام أو النباتيين، وتتبيل قطعة اللحمة بمعلقة دهن سائح أو زيت.

وتابعت،بعدين نضيف مرقة دجاج بودرة وفلفل أسود،  ونحط اللحمة في ورقة زبدة وورقة فويل ونسلقها في مياه مغلية لمدة نصف ساعة، نحضر شرائح بصل وخلطهم بفلفل أخضر وملعقة زيت وجزرة ومعلقة بودرة ديمي جلاس من عند العطار  ومن ثم تقليب المكونات، وتبقي جاهزة بدل اللحمة من عند الجزار اللى سعرها بقي غالى وطبعا الطعم مش زيها بالظبط بس قريب منها وبديل عنها.