عمرو أديب بعد الهجوم على محمد فؤاد: أنتوا بتعملوا في ولادنا ليه كده مش هما دول فخرك!

استنكر الإعلامي المصري عمرو أديب الهجوم الذي شنه الجمهور على محمد فؤاد بعد حفله في الرياض بالمملكة العربية السعودية.

تحيا مصر يرصد رد عمرو أديب على مهاجمي محمد فؤاد.

عمرو أديب يستنكر الهجوم على محمد فؤاد 

قال عمرو أديب في تصريحات عبر برنامجه الحكاية والمذاع عبر شاشة قناة MBC مصر: محمد فؤاد كان سعيدا ومبسوطا والناس مبسوطة من أغاني التمنيات والتطعيمات واليوم جميل، بس حصل حاجات وأنا مش فاهمها بس هتكلم على حاجة.

تصريحات عمرو أديب عن الهجوم على محمد فؤاد 

وتابع: أول ما نروح حفلة في الرياض، بنلاقي هجوم شديد جدًا على الفنان اللي موجود، لدرجة أننا بنكون مستنين من هناك عشان نشوف أيه اللي هيحصل أو الناس هتودي الفنان ده على فين.

وأضاف: نسأل الناس هل الحفلة مش عجباكوا أو الراجل غنى وحش الإجابة بتكون لا، دا بيسيبوا الحفلة كلها ويمسكوا في كلمة، ويفضلوا يشتموا.. اللي حصل مع محمد فؤاد ده هجوم غير طبيعي.

واستكمل: نعتبره طلع وقال التعبير زيادة شوية، أو خانه التعبير، الراجل متعملوش حفلة كبيرة وفيها الحضور ده من زمان وفرحان، ليه نهاجموا كدا.

وكان قال محمد فؤاد خلال الحفل: حلم اننا نغني لـ أعظم ناس على وجهالأرض، السعودية ساكنة جوه قلب كل الوطن العربي، الشعب السعودي اللي علمنا يعني إيه أخلاق وكرم، وبحبكم من كل قلبي، والله ممكنأبطل الغناء بعد الاستقبال ده.

وأضاف: أنا بشكر الجمهور السعودي كله والقيادة السعودية والملهم الشاب اللي هيغير وجه الحياة هو والمخلصين الأمير محمد بن سلمانهكذا يكون الشباب بجد اللي بيحبوا بلادهم.

عمرو أديب ينتقد مهاجمي محمد فؤاد 

وتابع: شوفوا وهو بيكلم عايز يجيب الكون كله للسعودية ربنا يوفقه واحنا كلنا في ضهره، الوطن العربي محتاج لكل الأيادي الشريفة، مصروالسعودية فيها قادة بتحب وطنها وببارك ليكم إن عندكم قيادة بتحب وطنها من قلبها.