ميهينهاش وميخوفهاش.. شيرين عبد الوهاب تضع شروط لزوج بناتها المستقبلي

وضعت الفنانة شيرين عبد الوهاب عدة شروط من الضروري أن تكون متوافرة في أزواج بناتها في المستقبلين، وذلك خلال لقائها في أحد البرامج التليفزيونية.

تحيا مصر يرصد شروط شيرين عبد الوهاب للقبول بأزواج بناتها. 

شروط شيرين عبد الوهاب للقبول بأزواج بناتها

وقالت شيرين عبد الوهاب: وجعتني أوي الفكرة، ماشي بس بشرط مياخدوهاش بعيد عني تقعد جنبي، والله العظيم ما أسيبها أبدًا، زي ما أخليها تراعي ربنا فيه، هو يراعي ربنا فيها.

وأضافت: مايمدش إيده عليها أبدًا ميهينهاش ميخوفهاش، يعاملها كأنها بنته، الأم بتحس ربنا بيديها سينسور بتحس باللي قدامها.

شيرين عبد الوهاب ببرنامج كاربول كاريوكي بالعربي

من جانبه، قالت شيرين عبد الوهاب خلال استضافتها ببرنامج كاربول كاريوكي بالعربي: نانسي عجرم مش بتسأل عليا خالص وإليسا بحس أنها ماسكة على الناس شيكات وهي بتغني.

وتابعت: نوال الزغبي شياكة وثقة في النفس، وزمان كانوا بيقولوا إن نوال صعب حد يقدر يسلم عليها، نجوى كرم التقل كله، والجمال والشياكة، بحبها وقلبها جميل، ومبتغيرش من حد ومركزة على نفسها أكتر، معرفش مدام نجوى كويس علشان أقول إيه الوحش اللي عندها.. كل حاجة في هيفاء حلوة، كريمة ومجتهدة جدًا، ومش بحب فيها عصبيتها.

تصريحات شيرين عبد الوهاب 

فيما أوضحت شيرين خلال لقائها مع et بالعربي إنها سعيدة بحفلتها بدبي بل إنها كانت سعيدة أيضًا من حفلة الكويت، لافتة إلى أن هناك مفاجأة بخصوص حفلة أخرى خلال أيام ولكنها لم توضح تفاصيل عنها، معقبة: “مبسوطة اني رجعت لحياتي.. رجعت للبحر.. السمكة رجعت للبحر”.

وتابعت: “ أنا كنت بشتغل من وأنا عندي 13 سنة وكنت محتاجة اخد إجازة شوية من العالم بتاعي”، مستطردة: “ الحب والدعم اللي شوفته من الناس كان فوق الوصف وفوق الخيال”.

وأشارت شيرين عبد الوهاب ، إلى أن حفلها في دبي متعدد الأغراض، وأنها ستقوم برحلات سياحية وشوبنج بعد انتهائه؛ مشيرة إلى أن دبي وش الخير عليها؛ لأن أولى حفلاتها خارج جمهورية مصر العربية، كانت في دبي.