طلع قواد.. أميرة تطلب الخلع: لقيت ألبوم لسيدات عارية على الكمبيوتر

أميرة فتاة ثلاثينية تزوجت كغيرها من شاب تقدم إلى أسرتها بمنطقة حدائق المعادي، ووافقت الأسرة على الزواج كونها الأخت السادسة وسط عائلتها، إلا أنها لم تكن تدري بأن حياتها ستنقلب رأسا على عقب، فقد عثرت بمحض الصدفة على ثورا لسيدات عاريات على الكمبيوتر الخاص بزوجها، كما شاهدت محادثة تضمنت إتفاق بينه وبين شخصا على فتاة مقابل أموال، فما كان منها إلا أن طلبت الخلع أمام محكمة الأسرة في بولاق الدكرور.

شدها في الأسانسير وهتك عرضها.. قصة طالبة الإسكندرية مع حارس العقار

دفعت فيها 5 آلاف جنيه.. زوج يصرخ: طلعت مجنونة وبتحضن الرجالة في الشارع|فيديو

مأساة أميرة مع زوجها

سردت أميرة مأساتها مع زوجها حيث قالت لـ تحيا مصر «أنا عندي 32 سنة وكنت بشتغل في محلات الملابس عشان أعرف أجهز نفسي وأصرف على نفسي عشان أنا عندي 5 أخوات غيري، وفي مرة وأنا راجعة من الشغل بابا قالي إن في عريس إتقدم عايز يتجوزني، وقالي أنه شافك في المحل وسأل عليكي وعلى عنوانك وجه وطلب يقابلني ونزلت قعدت معاه وهو هيجي أخر الإسبوع عشان يقعد معانا، قولتله مفيش مشاكل، وأخر الأسبوع عريس الغفلة جه وقعد معانا وكان عادي جدا ومش باين عليه أي حاجة، وقال أنه هيجيب كل حاجة ومعندهوش أي مشاكل ومش عايز يكلفنا حاجة».

أميرة: لقيت صور ستات على الكمبيوتر

تابعت أميرة قائلة «بابا وافق وأتخطبنا وبعدين مفيش 3 شهور وأتجوزته، وروحت معاه شقته في بولاق الدكرور، وعشت معاه 5 سنين مفيش أي مشاكل وبيعاملني كويس جدا ومحترم معايا، ومش بشوف منه أي حاجة، وكان بينزل يروح الشغل ساعات بالليل ولما أسأله يقولي عندي شغل مهم، وكنت بقول معلش الراجل تعبان، وفي مرة نزل وأنا مكنش ليا أوي في الكمبيوتر فقولت افتحه وأجيب وصفات أكل مختلفة عشان أعملها لجوزي، وفتحت الكمبيوتر ودورت على أكلات وقولت أدور على أغاني أسمعها، بدور في الكمبيوتر لقيت ملف اسمه شغل مهم جدا، ودخلت أشوف إي طبيعة الشغل وهو شغله مالوش علاقة بالكمبيوتر عشان هو شغال بعربية نص نقل بينقل بضائع وحاجات من شركات ومحلات، ولقيت مفاجأة قدام عيني ».

زوجة تستغيث: جوزي طلع قواد سيدات

فجرت أميرة مفاجأة قائلة «لقيت صور لسيدات كتير عارية وبملابس مخلة بس كان غريب إن معمول على وشهم سواد، هو بس لأجسامهم، وقفلت بسرعة وأنا بترعش وجسمي كله بيتنفض إيه الصور دي طيب بتعمل ايه، وإيه الشغل المهم ده، هل مثلا ده شغل لملابس نسائية بتتباع، بس صور السيدات العارية بتعمل ايه، وسكت ولما رجع بالليل سألته الشغل كان تمام، قالي أها أتأخرت بس أنجزت كتير، وبعدها بيومين أتأخر بالليل بردو وجبت اللاب لقيت أن في صور تانية جديدة».

لما رجع جوزي أخدت التليفون أول ما دخل ينام.. تضيف أميرة قائلة «مسكت التليفون وفتحت الشات بسرعة أقلب ملقتش حاجة وبعدين جت رسالة بالصدفة على الواتس رقم غريب باعت له البنت المرة صاروخ، عايزها تاني المرة اللي جاية متبعتش غيرها، قومت صحيته وصرخت في وشه وقولتله إيه ده قالي ده رقم غريب يمكن باعت غلط وأهو ياستي بعت للراجل حضرتك الرقم غلط انت عايز مين الراجل قاله إسم تاني قالي شوفتي النمرة غلط أهي وباعت غلط، قولتله أنا شوفت على الكمبيوتر بتاعك صور ستات بتعمل بيها إيه، قالي وإيه اللي خلاكي تفتحي دي حاجات بتاعت واحد صاحبي، وتاني يوم روحت عند أهلي وطلبت الطلاق، هو رفض رفعت عليه قضية خلع».