دفعت فيها 5 آلاف جنيه.. زوج يصرخ: طلعت مجنونة وبتحضن الرجالة في الشارع|فيديو

زوج وقع في شباك زوجته وأحد سماسرة الزواج في الفيوم.. حيث لجأ للزواج على يد سمسار زواج في الفيوم إلا أنه وقع في زيجة من فتاة يكبرها بـ 15 عاما، وكانت المفاجأة أنها كانت متزوجة من قبل ومصابة بمرض نفسي.

أدمن في جروبات الستات الخاصة.. حنان تطلب الخلع: عامل حنين وبيحل مشاكلهم

جريمة بشعة في الفيوم.. عاشر ابنته في الحرام وأنجبت طفلا ألقوه بالبحر|فيديو

زوج يروي مأساة مع زوجته

سرد الزوج المخدوع قصته لـ تحيا مصر قائلا: أنا كنت متجوز وحصل مشاكل وأنفصلت أنا وزوجتي الأولى، وتركت لي بنتين صغار، وبعدها قعدت فترة وبعدين روحت أدور على واحدة أتجوزها وقابلت سمسار زواج، يجيب لي عروسة تناسب حالتي وحياتي، لأني كنت كل ما أتقدم لعروسة أهلها يرفضوا بسبب البنتين عيالي».

وتابع الزوج بأنه تواصل مع أحد السماسرة ويدعى ز ش والذي يقوم بجلب الفتيات من الفيوم عن طريق إبنته المتزوجة في الفيوم، ويحضرهم للزواج وبالفعل وافق السمسار على مطالبي، وأحضر فتاة مقابل 5 آلاف جنيها، ودي كانت مش مفاجأة لأني عارف أن تجارة البنات منتشرة في الفيوم ومن خلالها بيتم شراء الفتيات كل مقابل سعره والناس اللي نازلة من بره بتجيب البنات من السماسرة لقضاء أوقات المتعة.

زوج: اتجوزتها على ايد سمسار

وأضاف الزوج، السمسار بتاع البنات عرض عليا مجموعة من البنات لكن أنا رفضت ده بسبب إني خوفت أحرجهم وطلب مني أختار فتاة مناسبة منهم، وأول ما شوفت البنت لقيتها هادية جدا مبتتكلمش خالص وأهلها كانوا موجودين معانا، وأتكلمت معاها لوحدنا وكلامها كان قليل ومحدود جدا، ولما دخلنا في الجد قبل الجواز قالولي تدفع 20 ألف جنيه.

وأكمل الزوج المخدوع، البنت كانت عندها 20 سنة وأنا 35 سنة ودفعتلها كل حاجة على أساس إني بتقدم لبنت وكانت الصدمة يوم الفرح لقيت المأذون بيقولي مكتوب في بطاقتها متزوجة إستغربت وسألت أهلها قالولي لا ده 20 يوم بس، وأتطلقت عشان كان بيضربها ويخليها تشحت وعديت الموضوع وأتجوزتها.

زوج: بتحضن الرجالة في الشارع

صدمتي الكبيرة كانت يوم الصباحية لما فضلت تعمل حركات غريبة بوشها... يتابع الزوج قائلا: يوم الصباحية بقى كل اللي يجي يزورنا يقولي مراتك مالها بتعمل كدة ليه بوشها، وهي قاعدة تعمل حركات للناس، وأنا أبص لها مفيش بردو، وبعدين الناس قالتلي دي مجنونة وخلتني في نص هدومي.

وأختتم الزوج قائلا: وفي الأخر بدأت تخرج للشارع تخطف العيال وتشحت وتحضن الرجالة في الشارع، خلت شكلي وحش جدا في المنطقة، والناس بقت تقولي إنتي متجوز مجنونة، ودمرت حياتي ومبقاش معايا فلوس ولا بقيت عارف أروح شغلي.