حمادة هلال يكشف موعد طرح أغنيته الجديدة متحملاني

كشف الفنان حمادة هلال عن موعد طرح أغنيتها الجديدة التي تحمل اسم متحملاني، كما كشف هلال عن البوستر الدعائي للأغنية.

تحيا مصر يرصد لكم موعد طرح أغنية متحملاني لحمادة هلال

ونشر حمادة هلال البوستر الرسمي للأغنية عبر صفحته الرسمية على موقع  تبادل الصور والفيديوهات انستجرام وعلق عليه: بإذن الله يوم الخميس القادم الساعه 6 مساء أغنية، متحملاني.

أغنية متحملاني للفنان حمادة هلال من كلمات وألحان الفنان مصطفى شكري.

آخر الأعمال الغنائية لحمادة هلال

وسبق وطرح هلال مؤخرا أغنية صاحبي، وهي  من كلمات محمد إبراهيم، ألحان حمادة هلال، توزيع وميكس وماستر هاني ربيع.

كلمات الأغنية

صاحبي اللي كنت أديه عنيا
وأموت لو كح شوية
هو اللي أول واحد باع
مش فارقة بقى وداع بوداع
على روحه هشرب شاي نعناع
وأبص لحياتي شوية

كان الحياة بالنسبالي
ومقامه وسط الناس عالي
انا لو عاتبته وفهمته
هذله وهقل في قيمته
أرخص ما فيه هو كرامته

لا لا لأه لأه لأه متقولش صاحبي لأه
من دولابي ياما نقى كان ناقص أجيبله شقة

لا لا لأه لأه لأه زقيته ألف زقة
على حسي ياما اترقى

صاحبي اللي بيجيب في سيرتنا
وهو متربي في بيتنا
اعاتبه إيه لا خلصانة
دي بيعة أصلا خسرانه
بكره هييجي يقول آسف
وهقوله على عيني ياريتنا

امي قالتهالي في مرة
صاحبك على القهوة و برة
مايخش بيتك إلا أمين
حرص عشان فيه بني آدمين
تعابين ولدغتهم مرة

تصريحات حمادة هلال

ومن جانب آخر، كانت قد تحدث الفنان حمادة هلال عن كواليس مسلسل المداح الجزء الثالث أسطورة العشق، وقال حمادة هلال خلال استضافته في برنامج يحدث في مصر والذي يعرض عبر قناة أم بي سي مصر: كل الأفلام والأجزاء الكبيرة في المسلسلات والسوبر هيرو بالنسبالهم هو راجل الدين بيخرج الشياطين واحنا مش بنخوف الناس العكس الناس بتشوف وبتعرف أن الحاجة دي سهل جدًا تبقى حواليك وفي نفس الوقت انت العلاج عندك اهو وهو ربنا مفيش احسن منه.

حمادة هلال: فتحنا باب الخيال في المسلسل

وأضاف:احنا كنا على شعرة، و الشعرة دي انت ممكن تقول حاجة تضل بيها ناس تخلي الناس تقول كده وموضوع الجمل اللي مخلوق من نار مكنتش الناس تعرف كده وكان في الجزء الثاني، أما في الجزء الثالث كان عن الأم ممكن تبقى حامل في شيطان هو الموضوع صعب وكان دراما وفتحنا باب الخيال والانسان وارد يحصله كده والرسول كان استعيذ من الشيطان في كل حاجة وربنا ذكر الحور العين في القرآن.