أنغام تعلق على تدخينها في كليب سيبك أنت وتكشف عن رأيها في الذكاء الاصطناعي

علقت الفنانة أنغام على ظهورها وهي تُدخن في فيديو كليب أغنيتها الجديدة سيبك أنت والتي طرحتها عبر قناتها بموقع الفيديوهات العالمي يوتيوب.

تحيا مصر يرصد لكم تصريحات أنغام 

وقالت أنغام خلال تصريحات في إي تي بالعربي: أغنية سيبك أنت حالة إنسانية شوفتها في ناس كتير وأنا الحقيقية الكلام اللي كتبه أمير طعيمة مكانش ينفع يتصور إلا بالواقعية دي.

وعلقت أنغام على لقب “الهرمونات” الذي أطلقه جمهورها علي أغنيتها الشهيرة “ متلخبطة”، وقالت:  بيسموا أغنية متلخبطة أغنية الهرمونات وهي فعلا  متلخبطة خالص.

أنغام: تقنية الذكاء الاصطناعي هتقعدنا في البيت

وكشفت أنغام عن رأيها في تقنية الذكاء الاصطناعي وقالت:  فكرة الديو حلوة والأحلام حلوة ولكن تقنية الذكاء الاصطناعي مفيهاش الأحساس البشري ومزعجة  وأتمنى أن تقنية الذكاء الاصطناعي تبقي هوجة وتخلص علشان هتقعدنا في البيت.

أغنية سيبك أنت

وكانت قد طرحت الفنانة أنغام أغنيتها الجديدة سيبك أنت وذلك عبر قناتها بموقع الفيديوهات العالمي يويتوب، وجاءت الأغنية على طريقة الفيديو كليب، والأغنية من كلمات أمير طعيمة، ألحان وليد سعد، توزيع مادي، وميكس وماستر أمير محروس، والفيديو كليب من إخراج عادل جمال.

كلمات الأغنية

أنا قولت أقولك أخباري
مـع أنك أصـلا مـا سألتـش
أنا من يوم بعدك محبوسة في نفس الأوضة
مسجونة في عالم أفكاري
مش عايشة لكن برده ما موتتش
تقدر كده يعني تقول إن أنا مش موجودة
سيبك أنت

أهم حاجة تكون مبسوط و مزاجك عال
وتكون بتنام مرتاح البال
لا ضمير بيأنب و لا كوابــــــــــيس تقلـــــق نومــــــك
و مفيش مشكلة خالص لو حد بسببك ضاع
وفي ثانية تبيع وتقوله وداع
دي حاجات مَش مستاهلة عشانها تبوظ يومك

بقي ليلي بيشبه لنهاري.. والشمس بتشرق وبتغرب
و الدنيا بتمشي و تتغير وأنا على حالي
إحساس الوحدة الإجباري
بقي هو الأيد اللي تطبطب
بقى ونسي وصاحبي وهو الحاجة اللي بقيالي
سيبك أنت

أهم حاجة تكون مبسوط و مزاجك عال
وتكون بتنام مرتاح البال
لا ضمير بيأنب و لا كوابــــــــــيس تقلـــــق نومــــــك
و مفيش مشكلة خالص لو حد بسببك ضاع
وفي ثانية تبيع وتقوله وداع
دي حاجات مَش مستاهلة عشانها تبوظ يومك
سيبك أنت