سارة نخلة: مش كل يوم هنلاقي صاحبة زي رانيا يوسف و90% من الرجالة عينهم زايغة

تحدثت الإعلامية والفنانة السورية سارة نخلة عن تصريحات رانيا يوسف الأخيرة، وذلك بأنها لن ترفض الارتباط بحبيب صديقتها السابق في حالة أن الانفصال كان من فترة زمنية كبيرة وشرط معرفة صديقتها.

تحيا مصر يرصد لكم تصريحات سارة نخلة

سارة نخلة: مش كل يوم هنلاقي صاحبة زي رانيا يوسف

وقالت سارة نخلة خلال برنامجها فيس أوف" الذي يعرض على شاشة قناة هي، وقالت: تصريحات رانيا يوسف كلها صح، وعجبتني لأن احنا كل يوم مش هنلاقي صاحبة زي رانيا يوسف وافتكرت مواقف كتير بتحصل في حياتنا وحاجات ممكن يكون المصدر بتاعها كلام ربنا وكلام دين عشان نعرف أن كل ده صح.

سارة نخلة: البيوت أسرار ومتحكيش لصاحبتك حاجة

وتابعت: البيوت أسرار عشان لما تقعدي مع صاحبتك وكنتي زعلانة من جوزك متقوليش أنا زعلانه منه  عشان كذا وصاحبتك بقت عارفة نقاط ضعف جوزك وقوته وشوفنا كتير لما واحدة تخطف جوز صاحبتها.

سارة نخلة: 90% من الرجالة عينهم زايغة

واستكملت: 90% من الرجالة عينهم زايغة والراجل لو ملاقش سكة مفتوحة من الست مش هيتكلم والعيب أن دي صاحبتك.

وأضافت: نصيحة مني حافظي على أسرار بيتك وجوزك ومفيش حد يعرف اسرار بيتك ولا صاحبتك ولا أهلك ولو زعلانه ومضايقة روحي الجيم او اخرجي ومطلعيش اسرار بيتك بره.

تصريحات الفنانة رانيا يوسف

وسبق وتحدثت الفنانة رانيا يوسف، عن زيجاتها الثلاثة، والأنجح فيهم، وقالت في تصريحات تليفزيونية: اتجوزت 3 مرات وأول زيجة هي الأنجح بالنسبة لي، إنما الاتنين الباقيين ما كانوش ناجحين، ولسه عندي أمل في الزواج تاني، وعلاقتي بـ أبو بناتي مش كويسة خالص وكنت أتمنى إننا نفضل صحاب".

وأضافت: "بناتي شجعوني إني أجرب الزواج تاني، وممكن أتجوز للمرة الرابعة"، مضيفة: "ممكن أحب زوج صاحبتي في حالة انفصالهما، ووارد أحب EX صاحبتي السابق، بس على حسب هما منفصلين بقى لهم قد إيه، لو من فترة طويلة ما عنديش مشكلة، وصاحبتي أول واحدة هعرفها، ولو منفصلين من قريب مش هفكر فيه لأن الدنيا ما بتقفش على حد".