جاميكا اللي سرب الشات.. نهى الجندي عن أزمة حسن شاكوش: أنفصلوا من سكات|فيديو

لا تزال أزمة حسن شاكوش وزوجته ريم صادق، متصدرة لمواقع التواصل الإجتماعي والتريند، وذلك عقب الخلافات الأخيرة التي نشبت بينهم وإتهام شاكوش لها بسرقة نصف مليون جنيه من منزل الزوجية، وإتهام ريم لـ حسن بطردها من المنزل والإستيلاء على قائمة المنقولات والمشغولات الذهبية وإيصال أمانة بقيمة مؤخر الصداق بينهما.

مش طبيعي.. مريم في دعوى خلع: بيتفرج على أفلام سادية

مطلقة ومسجلة.. كهربائي يمزق جسد والدته في الهانوفيل: سيرتها على كل لسان

المحامية نهى الجندي تعلق على أزمة حسن شاكوش

وعلقت المحامية نهى الجندي المحامية بالإستئناف على أزمة حسن شاكوش وزوجته ريم صادق قائلة «التريند ده مش حاجة حلوة يعني.. مش كل حاجة نروح ننشرها على الفيسبوك طالما الحياة وقفت بين طرفين يبقى خلاص الطلاق هو الحل الأخير لكن الفضايح والحاجات اللي بتتعمل دي ملهاش أي لازمة».

وقالت المحامية نهى الجندي لـ تحيا مصر «تابعت طبعا تريند - عبستك إزاي وإنتي مش بستاني - وللأسف أنا شايفة أن المشاكل الزوجية مش مكانها الفيسبوك، وفي موضوع حسن شاكوش وزوجته كل واحد بيعلي على التاني هما بيتخانقوا مين فيهم ياخد التريند أكتر من التاني».

نهى الجندي: معندكمش أطفال أنفصلوا من سكات

وتابعت الجندي قائلة «إذا كانت الحياة الزوجية بين حسن شاكوش وريم صادق وقفت خلاص والمشاكل كترت، لازم ينفصلوا في إحترام وهدوء، وخصوصا إنهم معندهمش لسه أطفال، ليه بقى كل واحد يدخل يزايد على التاني على السوشيال ميديا، وكل الفضايح دي، وإهانات متبادلة بينهم وتشهير كما الموضوع مش حلو خالص».

وأضافت نهى الجندي «في كل الحالات اللي بنشوفها في المشاكل الزوجية، أنا شايفة ديما إن طالما مفيش أولاد خلاص أنفصلوا في هدوء لكن مش كل حاجة نفضح بعض ونقول فضايح على السوشيال ميديا».

محامية: المشاهد مش هيفتكر غير السجدة والفضايح

وإستكملت الجندي «حسن شاكوش يتهمها بالسرقة وهي تتهمه أنه طردها، وكل شوية فضايح، طيب الدين بيقول إن أبغض الحلال عن الله الطلاق، مش لازم بقى الفضائح بتاعت السوشيال دي، المشاهد مش هيفتكر حاجة غير الفضائح ومش هينسى السجود وأنك قولتي حب عمري، وهينسى بقى أي حاجة تاني سواء طلاق أو زواج، هيفتكر بس اللقطات».

وأختتمت الجندي حديثها قائلة «الموضوع مبقاش كويس في التشهير، مش كل شوية نتكلم عنه ونعمل تريند وهي فضيحة وهو فضيحة ونتبادل الفضايح، وبعدين في شات بينكم أكيد مش جاميكا ولا ساحر هو اللي دخل الموبايلات وطلع الشات ونشره، لا في تعمد في النشر، وأساسا الفضائح والتشهير والنشر دي حاجات يعاقب عليها القانون».