خاص| أول تعليق من شقيقة سعاد حسني بعد إعلان نادية يسري فتح قضية مقتل السندريلا: بتعمل شو لإنها متهمة في الجريمة

ردت جانجاه حسني شقيقة الفنانة سعاد حسني على تصريحات نادية يسري الأخيرة بشأن إعلانها فتح قضية مقتل السندريلا سعاد حسني.

تحيا مصر يرصد لكم رد شقيقة سعاد حسني على تصريحات نادية يسري

وقالت جانجاه حسني في تصريح خاص لموقع تحيا مصر: ارجوكوا يا جماعة تجاهلوا اللي بتقوله نادية هي بتعمل شو عشان عايزة سبوبه لكن هي متقدرش تفتح قضية ولا تعمل أي حاجة.

شقيقة سعاد حسني: نادية يسري متهمة في القضية

وتابعت: ولو اي حاجة جديدة المحكمة هتبعتلي أنا عشان اوافق افتح القضية أو لا، وهي في الأول كانت شاهدة في القضية دلوقتي بقت متهمة في متهمة.

واستكملت: أزاي هتفتح القضية وفي أي صفة  ومش عايزين نديها أي اهتمام ونتجاهل أي كلام من اللي هي بتقوله.

نادية يسري تفتح قضية مقتل سعاد حسني 

وكانت قد إعلنت نادية يسري عن إعادتها فتح قضية مقتل السيندريلا سعاد حسني، وذلك بعد مرور 22 عامًا على وفاتها، وكتبت نادية يسري عبر حسابها بفيس بوك:"بسم الله الرحمن الرحيم صباح الخير، أولا أنا بحب اشكر كل الناس الجميلة اللي كتبتلي كومنتس الحلوة ربنا يخليكو ليا يارب وشكرا أنا دلوقتي مع صاحبتي في مصر وبحضر للفيديو التاني part two.

وتابعت: أول مانرجع من مصر على لندن هسجلو وانزلو في صفحتي في الفيس بوك وفي قناتي في اليوتيوب بمساعدة صاحبتي بإذن ربنا و المره دي غير كل مره هنزل شوية والضروري من اوراق تحقيقات سكتولند يارد في انتحار سعاد حسني علشان الناس اللي بتقول ماحققوش وقفلو على الموضوع وعملو سينريوهات طبعا كله عشان يتاجرو بموتها".

وأضافت:"هنزل كمان رسائل سعاد حسني اللي عمري ماوريتها لحد بخط ايدها وهي بتعبر عن وجعها وتعبها و نفسيتها و مشاكلها المالية و هجاوب على شوية الاسئلة اللي بتتكرر من 22 سنة"

نادية يسرى تتوعد بكشف تفاصيل جديدة في قضية مقتل سعاد حسني

واستكملت :الشيخ الشعراوي رحمة الله عليه يبشر المظلومين: لا يموت ظلوم في الكون حتى ينتقم الله منه وأنا متأكدة أن ربنا الحق العادل ها يكرمني و يجبلي حقي منهم و من كل واحد ظلمني وافتراء عليا صبرا جميلا حسبي الله ونعم الوكيل فيكم بس خلاص قربت تخلص خالص ان شاء الله".