خالد الفايد يثير الجدل: القرءان اصبح وسيلة لجلب الفلوس والمتابعين وبقى كلام بنمثل بيه

أعرب المطرب المعتزل خالد الفايد، نجم ذا فويس كيدز عن حزنه من بعض المقرئيين الذين يستغلوا القرءان في كسب تفاعل الجمهور وزيادة الشهرة، وذلك من خلال تمثيل البكاء أثناء القراءة.

تحيا مصر يرصد في ذلك التقرير تصريحات لـ خالد الفايد مثيرة للجدل

خالد الفايد: القرءان أصبح وسيلة لجلب الفلوس

وكتب خالد الفايد عبر حسابه الرسمي بموقع التواصل الإجتماعي “فيسبوك”: “الفترة الاخيرة بتابع الشباب والمحتوي الديني علي الشوشيال ميديا للأسف اكتشفت ان القران اصبح وسيلة لجلب الفلوس والمتابعين والشهره ولاحظت ناس معينه بتمثل انها بتبكي وهي بتقرأ وواضح جدا جدا انهم بيمثلوا اصبح القران مجرد كلام بنمثل بيه القراء”.

وتابع حديثه، قائلا: “القدامي رحمة الله عليهم زي المنشاوي كان بيعيد التسجيل علشان كان بيبكي وعايز يخفي بكائه لكن دلوقتي بقينا نقول للناس شوفوني وانا بعيط وخاشع”.

خالد الفايد: اللي عايز يتمسل ويتمسخر ويتسهوك يروح يقرأ سيناريو الدين بتاعنا مش دين لايك

واختتم حديثه: “يا جماعة اللي عايز يمثل ويتمسخر ويتسهوك يروح يقرأ سيناريو ويمثل في مسرح دين ربنا مش دين لقطه ولا دين لايك ولا دين فولو اتقوا الله شوية وبطلوا رياء الكلام مقصود لكل مشاهير القراءه في السوشيال ميديا في مصر وهيشوفوا كلامي ومعظمهم صحابي واللي يزعل يزعل انا متعود اقول كلمة الحق ف وش اي حد”.

خالد الفايد وأزمته مع هاني محروس

من ناحية أخرى، كان قد نشب خلاف قوي بين خالد الفايد والمنتج هاني محروس انتهى بحلها بعدما كتب الفايد منشور قال فيه: الموضوع بيني وبين أستاذ هاني محروس اتحل وإن شاء الله مفيش أي حاجة وشكرًا جدَا لأستاذ هاني أنه تفهم الوضع وقال مفيش حاجة خلاص ومش هعمل أي حاجة وربنا يقدم الخير، وإن شاء الله أكون في مصر خلال أيام، وشكرًا بجد أن صوتي وصل ولقينا حل مع أستاذ هاني محروس وشكرًا للأستاذ سيد حجاج على تدخله وحصل خير يا شباب، وأنا خلاص همسح البوستات اللي فاتت، وادعولي ربنا يثبتني على طريق الحق وإن شاء الله ف مصر لما أنزل بيتي مفتوح لأي حد من أهلي وحبايبي اللي وقفوا جمبي ودعموني، وإن شاء الله أسجل القرآن الكريم كامل بصوتي قريبا وانزله عندي، الحمد لله رب العالمين والله بحبكم في الله ويشهد الله على ما في قلبي من محبة ليكم.