أحمد داود: أول أجر خته في حياتي 150 جنيه وعلا دايمًا في ضهري وبتشجعني

تحدث الفنان أحمد داود عن أول أجر في حياته وبدايته في المجال الفني، كما تطرق بالحديث عن زوجته الفنانة علا رشدي وعلاقتهما.

تحيا مصر يرصد لكم تصريحات أحمد داود

وقال أحمد داود خلال استضافته في برنامج معكم التي تقدمه الإعلامية منى الشاذلي ويعرض عبر قناة سي بي سي: بختار السينما أكتر من المسلسلات لأن أنا بحب السينما أكتر، ولو جالي مسلسل أو فيلم بختار الفيلم بس في مسلسلات مش بتتعوض.

وتابع: فيلم يوم 13  أعلى فيلم بيجيب إيرادات لغاية دلوقتي، وأطمنت أن أول ما بعمل حاجة وتنجح الناس بتجبلي الحاجات اللي عملتها قبل كده ومش خايف لو مكنتش موجود في فترة بس لازم أعمل حاجة تشرف.

أحمد داود: أول أجر خته في حياتي كان 150 جنيه

وكشف أحمد داود: أول أجر خته  في حياتي 150 جنيه وقالي هديك المبلغ ده قولتله كتير عليا، ومكنتش اعرف انهم هيجبولي الهدوم وروحت جبت هدوم بالـ 150 جنيه.

كما تحدث داود عن علاته بالفنانة علا رشدي وقال:  لما اتعرفت على علا هي كانت أشهر مني وأنا مكنتش عايز منها حاجة ولا هي عايزة مني حاجة، وأنا شايف أن رحلة الاستثمار الحقيقي مع العيلة.

أحمد داود: علا دايمًا في ضهري وبتشجعني

واستكمل أحمد داوود: علا علمتني كل حاجة من غير ما تاخد بالها، وهي دايمًا الاساس واللي بتعمل الخطط وتقولي هنعمل إيه، وخلتني أحسن وأجرب حاجات كتير، ودايمًا بتشجعني وفي ضهري.

وتابع: علا بتحب السفر جدًا وعندها كهربا زيادة وبتكلمني الصبح في مواضيع كبيرة جدًا وبتفضل تعملنا خطط.

وعن رأيها في فيلم يوم 13 قال: فرحانه جدا بالنجاح وقالتلي انت ممثل اهم بكتير من الفيلم ونفسها تشوفني في بطولات اكتر ونفسها أعمل فيلم كبير وقولتها أنا بقالي 7 سنين عشان أعمل 122 ويوم 13.

تصريحات أحمد داود

وفي الحلقة ذاتها، تحدث الفنان أحمد  داود عن برنامج الكونتينر وقال: عملت برنامج الكونتينر من قلبي وهنعمل موسم تاني منه قريب، و حبيت فكرة البرنامج جدًا ومكنتش مصدق أن دي حاجات موجوده في مصر وحسيت بفخر كبير لأن كل المصانع اللي روحتها بتصدر بره مصر.