مروة عبد المنعم تنهار من البكاء على الهواء في قعدة ستات: محدش وقف جمبي وبسأل ربنا أقوله عديت السنة ازاي؟

انهارت الفنانة مروة عبد المنعم من البكاء على الهواء مباشرة، بعد حديثها عن الأشخاص الذين تخلوا عنها في محنتها، وأثناء ابتعادها عن الفن.

تحيا مصر يرصد لكم تصريحات الفنانة مروة عبد المنعم

وقالت مروة عبد المنعم خلال لقائها في برنامج "قعدة ستات"، المذاع على شاشة "القاهرة اليوم" وتقدمه الإعلامية مروة صبري: كنت لسه بقول لبنتي مش عارفه أنا صرفت عليكم طول السنين اللي فاتت دي ازاي؟ بس بتمشي، أنا وقفت جمب نفسي محدش وقف جمبي، طبعا بعد ربنا، ربنا ده عظيم وكريم ، بقعد ساعات أقول أنا بصرف السنة دي ازاي.

موة عبد المنعم: مش هقول مين أتخلى عني

واستكملت مروة عبد المنعم حديثها قائلة: أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين أتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة.

مروة عبد المنعم: كنت متخيلة تامر حسني يقف جنبي 

وتابعت: وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف في الجيش وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفصتح، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا.

برنامج "قعدة ستات" تقدمه الإعلامية مروة صبري على شاشة "القاهرة اليوم" السبت من كل أسبوع وتستضيف خلاله عددًا من نجوم الفن والمشاهير.

حريق غرفة ابنة مروة عبد المنعم 

وكانت قد كشفت الفنانة مروة عبد المنعم عن تعرض غرفة ابنتها حور للحريق، وذلك من خلال حسابها الرسمي على موقع التواصل الاجتماعى فيس بوك، وكتبت مروة عبدالمنعم: «فى لحظة أوضة بنتي بتتحرق دلوقتي، حاجه مرعبة أوى، قدر الله وما شاء فعل».