خاص|محامية ريم طارق: وثيقة زواجها من حسن شاكوش صحيحة ولكن البيانات خطأ وكانت فكراه العوض ليها

ردت محامية ريم طارق على تصريحات حسن شاكوش، كما كشفت حقيقة قسمة الزواج التي قام شاكوش بكتابتها، ومعرفته بزواج ريم من قبل.

تحيا مصر يرصد لكم تصريحات محامية ريم طارق 

وقالت محامية ريم طارق خلال بث مباشر عبر موقع تحيا مصر: حسن شاكوش أتفق مع ريم أن هي متقولش إنها كانت متجوزة عشان البنات اللي كان واعدهم بالزواج وأهله كانوا عايزينه يتجوز واحدة لم يسبق لها الزواج.

وتابعت: ريم مكانش معاها القسيمة وحسن شاكوش اللي أتفق مع المأذون، وخلى المأذون يكتب البيانات ويقول أن هي بكر في الفرح.

محامية ريم طارق: وثيقة زواج حسن وريم صحيحة ولكن في خطأ في البيانات

واستكملت محامية زوجة حسن شاكوش: ريم قالتلي وأنا بمضي القسيمة في الفرح مكنتش البيانات بتاعتي اتكتبت فيها وحسيت أن في حاجة غلط، ووثيقة زواج حسن وريم مظبوطة ومفيهاش تزوير وصحيحة 100 % وفي بيانات خطأ لا يؤثر في بطلانها.

محامية ريم طارق: حسن شاكوش عمل فرح كبير عشان الشو والتريند

وأوضحت محامية زوجة حسن شاكوش: مكنش في قصة حب بين ريم وحسن وهي بنت الجيران وسأل عليها في المنطقة واتقاله أن هي مطلقة وقال أنا ميهمنيش الموضوع ده، وحسن شاكوش قال لريم هعملك فرح محلمش بيه حد وهو مكلف الفرح كل ده عشان خاطر الشو قدام الناس والتريند.

وكشفت محامية ريم طارق: حسن شاكوش عمل قسيمة الزواج على مزاجه ومكتبش في القسيمة المؤخر اللي كان متفق عليه.

محامية ريم طارق: حسن شاكوش طردها في نص الليل

كما كشفت عن حقيقة طرده لريم وقالت: حسن شاكوش طرد ريم طارق في نص الليل وقال في التحقيقات أنه طردها عشان سرقت منه فلوس، و ريم رجعت على البيت هي ووالدتها عشان تاخد حاجتها، وحسن مرضاش يفتحلها وبعدها اتهمها أن هي سرقت منه 500 ألف جنيه.

كما علقت على تصريحات طليق ريم بشأن إصابتها بمرض وقالت: كلام ملهوش أي أساس من الصحة وهو نقلها عدوى جلدية، وسبب الطلاق بينهم أن هي مكنتش عايزة تعيش معاها وأنه غلطة  واتسرعت في الجوازة، وأهلها مكانوش موافقين أن هي تتطلق.

كما كشفت محامية زوجة حسن شاكوش، أن ريم مصممة على قرار الطلاق من شاكوش موضحة:  ريم كانت فاكرة أن حسن العوض ليها ومصممة على الطلاق بعد اللي عملوا فيها.