حسن داير مش ممكن واحدة تضحك عليه وتفهمه إنها آنسة.. بسمة وهبة تدافع عن زوجة شاكوش

دافعت الإعلامية بسمة وهبة عن ريم طارق زوجة مطرب المهرجانات حسن شاكوش الذي اتهما بأنها أخفت عليه أمر زواجها الأول.

تحيا مصر يرصد دفاع بسمة وهبة عن زوجة حسن شاكوش.

بسمة وهبة تهاجم حسن شاكوش 

قالت بسمة وهبة: في كلام بيدين ريم وأنا هبرأها منه، بيتقال إنها كذبت في إنها كانت متزوجة قبل حسن، لأ ريم مكذبتش، وهي قاعدة معايا في برنامج العرافة، لما هاجمتها وقولتلها إنتي ليه سجدتي شكر لله في الفرح وده كدة شو، قالتلي لأ مش شو أنا كنت سعيدة.

تصريحات بسمة وهبة عن أزمة حسن شاكوش وزوجته ريم طارق

وتابعت: وقالتلي أنا حسيت إن ربنا رزقني بحاجة بيعوضني بيها عن تجربة سابقة عانيت فيها، فطبيعي إن التجربة اللي هي تقصدها دي كانت تجربة زواج

وأضافت: الناس قالت إن حلقة شاكوش وريم طارق فيها خراب بيوت، وأنا فعلا قولتلهم في الحلقة اللي بيقولوا شيخ العرافين ده خراب بيوت، وفي حاجات كمان اتشالت في المونتاج واتخنقت مع شيخ العرافين وقولتله أنت كدة بتخرب البيوت والناس بتهاجمني أنا.

بسمة وهبة تدعم زوجة حسن شاكوش 

وأردفت: لو أنا السبب في طلاقهم زي ما الناس بتقول كانوا خرجوا من الحلقة واتطلقوا في ساعتها، مكنوش استنوا لبعد رمضان والعيد والفترة دي كلها.
عايزة أقول لحسن أكيد أنت كنت عارف إن ريم كانت متجوزة قبلك، هي أصلا كانت رافعة قضية على جوزها السابق فـ أكيد دي حاجة مش هتستخبى عليك، وحسن داير يعني مش ممكن واحدة تضحك عليه وتفهمه إنها آنسة وهي كانت متجوزة.

وكانت خرجت زوجة حسن شاكوش لتتهمه بطردها والاستيلاء على مؤخرها وشبكتها وحررت محضر ضده وتفاقمت الأزمة حتى وصلت للقضاء.