بسمة وهبة: اللي عمله معايا محمد فؤاد في برنامج العرافة ندالة وكان قاصد يكسرني

تحدثت الإعلامية بسمة وهبة عن حلقة برنامجها مع محمد فؤاد، والتي جعلتها تبكي بعد قيام محمد فؤاد بغناء أغنية طمني عليك.

تحيا مصر يرصد لكم تصريحات بسمة وهبة 

وقالت بسمة وهبة خلال لقائها في برنامج إي تي بالعربي: اللي عمله محمد فؤاد في حلقة العرافة كانت حركة ندالة جدًا منه وكل اللي شغالين في البرنامج لأنهم عارفين أنا نقطة ضعفي ولادي.

بسمة وهبة: من ساعة ما بعدت عن ولادي وأنا مُت من غير ما اتدفن

وتابعت: من ساعة ما انفصلت عن والدهم وهما صغيرين وعاشوا معاه في بلد تاني وأنا في بلد وأنا مُت من يومها من غير ما اتدفن وده كان قهر بالنسبالي وعذاب. 

بسمة وهبة: محمد فؤاد كان قاصد يكسرني

وتابعت: محمد فؤاد غناها عشان ينكد عليا ويكسرني قبل الحلقة وقالي انتي جاهزة وأنا استغربت، وفي كمية غدر كبيرة في البرنامج ده.

كما كشفت بسمة وهبة أن هناك العديد من الضيوف طلبوا منها حذف العديد من الأجزاء في الحلقة وقالت: اللي بيقول أنا بتدخل في الحياة الشخصية، المفروض الضيف اللي يقول كده، وأي ضيف بيقولي أحذفي الحتة دي بوافق واتحدى أي ضيف يقول إني محذقفتش جزء هو قالي عليه ، لأن أنا كلمتي بتبقى عقد.

بسمة وهبة: حلقة رانيا يوسف اتحذف منها كتير

وأوضحت بسمة وهبة: اكتر حلقة  اتشال منها حاجات كانت حلقة رانيا يوسف لإنها صريحة جدًا وعلا غانم طلبت حاجات كتير تتشال.

بسمة وهبة بعد تأثرها بأغنية طمني عليك: بتأسف لولادي انهم شافوا دموعي

وكانت قد خرجت الإعلامية بسمة وهبة لـ توضح سبب بكائها في برنامجها الشهير “العرافة” على أغنية طمني عليك، وقالت بسمة وهبة خلال فيديو عبر حسابها الرسمي بموقع التواصل الإجتماعي “فيسبوك”: “ولادي مش عايشين معايا من صغرهم وكل واحد في بلد .. زمان لما كنت بسمعها مكنتش بضعف كده لكن دلوقت أنا كبرت في السن وبقت مشاعري متستحملش حاجة .. بتأسف لـ أولادي أنهم شافوا دموعي بس الأغنية صعبة للي مفتقد بني أدم  .. زعلانه منك ومش مسامحاك يا محمد يا فؤاد”